வாரிசு ட்ரெய்லர் ரிலீஸ்.. பட்டாசு வெடித்து கொண்டாடிய விஜய் ரசிகர்கள்.. என்னவொரு ரசிகர் படை!

55 நிமிஷத்தில் சாதனை

அஜித்தின் துணிவு ட்ரெய்லர் ஒன்றரை மணி நேரத்தில் 5 மில்லியன் வியூஸ் அள்ளிய நிலையில், வெறும் 55 நிமிஷத்தில் விஜய்யின் வாரிசு ட்ரெய்லர் 5 மில்லியன் வியூஸ் கடந்துள்ளதாக தயாரிப்பு நிறுவனம் அதிரடி அறிவிப்பை வெளியிட்டுள்ளது. 30 மில்லியன் வியூஸ் நாளை காலையே வந்து விடும் என விஜய் ரசிகர்கள் ரிப்பீட் மோடில் அந்த ட்ரெய்லரை பார்த்து வருகின்றனர்.

பட்டாசு வெடித்து கொண்டாட்டம்

வாரிசு படத்தின் ட்ரெய்லர் தமிழ்நாடு முழுவதும் பல திரையரங்குகளில் வெளியாகி ரசிகர்களை உற்சாகத்தில் ஆழ்த்தி உள்ளது. கோயம்பேடு அருகே உள்ள ரோகிணி தியேட்டரின் வெளியே பிரம்மாண்ட திரையில் வாரிசு ட்ரெய்லர் வெளியிடப்பட்ட நிலையில் விஜய் ரசிகர்கள் பட்டாசு எல்லாம் வெடித்து கொண்டாடி உள்ளனர்.

FDFS போல

என்னங்கடா இது வாரிசு படத்தின் FDFS போல கொண்டாடுறீங்க என விஜய் ரசிகர்கள் அந்த வீடியோவுக்கு கீழ் கமெண்ட் போட்டு வருகின்றனர். இந்த பொங்கலுக்கு ஒட்டுமொத்த குடும்பமும் எந்தவொரு செகண்ட் சிந்தனையும் இன்றி வாரிசு படத்தை தியேட்டரில் கொண்டாடுவார்கள் என ரசிகர்கள் கமெண்ட் போட்டு வருகின்றனர்.

இருவரும் தேதி சொல்லல

நீங்க சொல்லுங்க முதல்ல.. ஏன் நீங்க சொல்ல மாட்டீங்களா என்பது போல துணிவு பட ட்ரெய்லர் வெளியான நிலையில், அந்த படத்தின் ரிலீஸ் தேதியும் அறிவிக்கப்படவில்லை. வாரிசு படத்தின் ரிலீஸ் தேதியும் அறிவிக்கப்படவில்லை. இருவரில் யார் பூனைக்கு முதலில் மணி கட்டுவது என காத்திருக்கின்றனர். ஒருவர் ரிலீஸ் தேதியை அறிவித்து விட்டால் இன்னொருவர் ஒரு நாள் முந்தலாம் என காத்திருக்கின்றனர்.