Click it and Unblock the Notifications
விஜய்-விஜய் படத்தின் பெயர் தங்கமகன் இல்லை, 'தலைவா' ஆகிவிட்டார்
சென்னை: ஏ.எல். விஜய் இயக்கத்தில் விஜய் நடிக்கும் படத்திற்கு தலைவா என்று பெயர் வைத்துள்ளனர்.
ஏ.எல். விஜய் இயக்கத்தில் விஜய், அமலா பால் உள்ளிட்டோர் பெயரிடப்படாத படத்தில் நடித்து வந்தனர். இந்த படத்திற்கு தங்கமகன் என்ற பெயரைத் தேர்வு செய்தனர். ஆனால் அந்த தலைப்பு திருப்திகரமாக இல்லை என்று கூறி ரஜினி, மம்மூட்டி நடித்த தளபதி படத்தின் தலைப்பை வைக்க நினைத்தனர்.
ஏற்கனவே துப்பாக்கி பட தலைப்பு சர்ச்சையில் சிக்கியதால் இந்த படத்திற்கு நல்ல பெயராக வையுங்கள் என்று விஜய் தெரிவித்துள்ளார். இதையடுத்து யாருக்கும் பிரச்சனை ஏற்படாத வண்ணம் விஜயின் புதுப் படத்திற்கு தலைவா என்று பெயர் வைத்துள்ளனர்.
தலைவா என்ற தலைப்புடன் கூடிய போஸ்டர் இணையதளத்தில் வெளியிடப்பட்டுள்ளது. இந்த படத்தின் ஷூட்டிங் தற்போது மும்பையில் நடந்து வருகிறது.
ஏற்கனவே மும்பையில் எடுக்கப்பட்ட துப்பாக்கி ஹிட்டானதால் இந்த படமும் ஹிட்டாகும் என்று விஜயின் ரசிகர்கள் நினைக்கின்றனர்.
Continue with Google