ஹைதராபாத்தில் விஜய் - காஜல் அகர்வால் நடனம்!

ஜில்லா படத்துக்காக விஜய் - காஜல் அகர்வால் நடனமாடிய பாடல் காட்சி சமீபத்தில் ஹைதராபாதில் படமாக்கப்பட்டது.

சூப்பர் குட் பிலிம்ஸ் ஆர் பி சவுத்ரி வழங்கும் படம் "ஜில்லா". இந்தப் படத்தின் டாக்கி பகுதிகள் படமாக்கப்பட்டுவிட்டன. இன்னும் ஒரு பாடல் காட்சி மட்டும் பாக்கியுள்ளது.

ஹைதராபாத்தில் உள்ள அண்ணபூர்ணா ஸ்டுடியோவில் அமைக்கப்பட்ட பிரமாண்டமான அரங்கில் இந்தப் பாடலை படமாக்கினார்கள்.

ஜில்லா

விஜய் - காஜல் அகர்வால் இருவரும் சேர்ந்து ஆடிய இந்த பாடல்காட்சியில் சார்லட், ஹேஜல் என்ற இரண்டு வெளிநாட்டுப் பெண்களும் ஆடிப் பாடினர். ராஜு சுந்தரம் நடனம் அமைத்தார்.

முக்கிய வேடத்தில் மோகன்லால், பூர்ணிமா பாக்யராஜ், மகத், தம்பி ராமய்யா, சூரி, சம்பத், ரவிமரியா, ஆர்.கே.சரண், நிவேதா, பிரதீப் ராவத், ஜோமல்லூரி, ப்ளாக் பாண்டி ஆகியோர் நடித்துள்ளனர்.

வைரமுத்து, விவேகா, யுகபாரசி, பார்வதியின் பாடல்களுக்கு டி இமான் இசையமைத்துள்ளார்.

கதை, திரைக்கதை, வசனம் எழுதி இயக்கியுள்ளார் ஆர் டி நேசன்.