விஜய்க்கு வாள் சண்டை கற்றுத் தந்த சீன ஸ்டன்ட் மாஸ்டர்!

புலி படத்தில் இடம் பெறும் சண்டைக் காட்சிகளுக்காக வாள் சண்டை கற்றுக் கொண்டாராம் நடிகர் விஜய்.

சிம்பு தேவன் இயக்கி வரும் புலி படம் சரித்திர மற்றும் அதியுச்ச கற்பனை கதையை அடிப்படையாகக் கொண்டது. இதில் போர்வீரனாகத் தோன்றுகிறார் விஜய். நடிகை ஸ்ரீதேவி ராணி வேடத்தில் நடித்துள்ளார்.

இந்தப் படம் எப்படி இருக்கும் என்பது குறித்து இயக்குநர் சிம்புதேவன் கூறுகையில், "புலி, இதுவரை இல்லாத பிரமாண்டம் மற்றும் புதுமையுடன் இருக்கும். இந்தப் படம் வரலாற்று புனைகதை. ஆனால் கடந்த காலத்தில் நிஜத்தில் நடந்த எந்த சம்பவத்தையும் காட்சிப்படுத்தவில்லை.

இந்தப் படத்தில் போர் வீரனாக வரும் விஜய், வாள் சண்டைக் காட்சியில் நடிக்க வேண்டியிருந்தது. இதற்காக அவருக்கு சிறப்பு வாள் பயிற்சி அளிக்கப்பட்டது. திலீப் சுப்பராயனும், சீன ஸ்டன்ட் கலைஞர் சாங் லின்-னும் அவருக்குப் பயிற்சி அளித்தனர்," என்றார்.

விஜயதசமி ஸ்பெஷலாக வருகிறது விஜய்யின் புலி.