ஜில்லா ஷுட்டிங் ஸ்பாட் சேட்டை.. காஜலுக்கு டச்சப் பாயாக மாறிய நடிகர் விஜய்.. வைரலாகும் க்யூட் வீடியோ!

மாஸ்டரில் ப்ளூப்பர்ஸ்

பல படங்களில் மேக்கிங் வீடியோக்கள் ப்ளூப்பர்ஸ் என படத்தின் இறுதியில் சேர்க்கப்படும். அதில் ஷூட்டிங் ஸ்பாட்டில் அரங்கேறும் பல சுவாரசிய நிகழ்வுகள் இருக்கும். அண்மையில் விஜயின் மாஸ்டர் படத்தில் கூட ப்ளுப்பர்ஸ் சேர்க்கப்பட உள்ளதாக தகவல் வெளியானது.

விஜய் கிண்டல்

இந்நிலையில் விஜய் ஷுட்டிங்கின் போது கேலி கிண்டலில் ஈடுபட்ட மற்றொரு சுவாரசிய வீடியோ சமூக வலைதளங்களில் ஜெட் வேகத்தில் பரவி வருகிறது. அதாவது, விஜயின் ஜில்லா பட ஷுட்டிங்கின் போது, எப்போ மாமா ட்ரீட் என்ற பாடல் காட்சியாக்கப்படுகிறது.

டச்சப் பாயாக

அதில் நடிகை காஜல் அகர்வால் குரூப் டான்சர்களுடன் இணைந்து நடனமாடிக் கொண்டிருக்கிறார். அப்போது டச்சப் பாய் போல கையில் கண்ணாடியுடன் உள்ளே நுழையும் விஜய் அவரை டச்சப் செய்து கொள்ளும்படி கூறி கிண்டலடிக்கிறார்.

டான்ஸை கேலி செய்து

இதனை பார்த்து செல்லமாக கோபப்படுகிறார் காஜல் அகர்வால். பின்னர் அவருடைய டான்ஸ் ஸ்டெப்பை கேலி செய்வது போல சேர்ந்து ஆட்டம் போடுகிறார் விஜய். இந்த வீடியோவை விஜயின் ரசிகர் ஒருவர் டிவிட்டரில் ஷேர் செய்துள்ளார்.

விஜய் சேட்டை

அதனை விஜய் ரசிகர்கள் பலரும் தங்களின் டிவிட்டர் பக்கத்தில் ரீடிவிட் செய்துள்ளனர். அந்த வீடியோ லைக்ஸ்களை குவித்து வருகிறது. எப்போதும் அமைதியாகவே இருக்கும் விஜய், நிகழ்ச்சிகளில் கூட அளந்தளந்து பேசும் விஜய் இப்படி ஷுட்டிங் ஸ்பாட்டில் செய்திருக்கும் சேட்டை பலரையும் வெகுவாக கவர்ந்துள்ளது.