குட் மூவ்.. அஜித் விஜய் சந்திப்பு நடந்தும் ஒரு போட்டோ கூட வெளியே வராமல் இருக்க இதுதான் காரணமா?

பல வருட நட்பு

சினிமா போட்டிகள் இருந்தாலும், அதைத் தாண்டிய நட்பு நடிகர் விஜய் மற்றும் அஜித் இடையே பல வருடங்களாக தொடர்ந்து வருகின்றன. இந்நிலையில், நேற்றைய நிகழ்வும் அதனை உறுதி செய்திருப்பது கொஞ்ச நாளைக்கு ஆன்லைனில் விஜய் ரசிகர்கள் மற்றும் அஜித் ரசிகர்கள் இடையே மோதல்களை தவிர்க்கும் என எதிர்பார்க்கப்படுகிறது.

விஜய் வெளியே வந்தாலே

நடிகர் விஜய் ஓட்டுப் போட சைக்கிளில் வெளியே வந்தாலும் சரி, ஷூட்டிங் ஸ்பாட்டில் ரசிகர்களை சந்தித்தாலும் சரி, பனையூரில் பிரியாணி போட்டாலும் சரி உடனடியாக போட்டோக்கள் வெளியாகி தேசியளவில் டிரெண்டாகி விடுவார். ஆனால், நேற்று பல ஆண்டுகளுக்கு பிறகு நடிகர் அஜித் மற்றும் விஜய் சந்திப்பு நடந்துள்ள நிலையில், எந்தவொரு போட்டோவும் வெளியே வரவில்லை. அதற்கான காரணம் குறித்த தகவல்கள் தற்போது கசிந்துள்ளன.

குடும்ப நிகழ்வாகவே

நடிகர் அஜித் மற்றும் அஜித்தின் சகோதரர் இருவருமே தங்கள் தந்தையின் இறுதிச்சடங்குகள் ஒரு குடும்ப நிகழ்வாகவே நடைபெறும் என அறிவித்து விட்டனர். இந்நிலையில், நடிகர் விஜய் வருவது தெரிந்தால் மீடியாக்கள் மற்றும் ரசிகர்கள் குவிந்து விடுவார்கள் என்பதற்காகவே யாருக்கும் சொல்லாமல், தனியாக ஒரு காரில் வந்து சென்றிருக்கிறார் விஜய்.

ஒரு பர்சன்ட் பப்ளிசிட்டி கூட வேண்டாம்

அஜித்தின் தந்தை மறைவு செய்தியை அறிந்ததும் மனவேதனை அடைந்த நடிகர் விஜய் நேரில் சென்று அஜித்தை சந்தித்து ஆறுதல் கூறியுள்ளார். ஆனால், இந்த நிகழ்வில் ஒரு பர்சன்ட் கூட பப்ளிசிட்டியாக இது மாறிவிடக் கூடாது என்பதை தனது டீமுக்கு மிகவும் கண்டிப்புடன் சொல்லித்தான் விஜய் சென்று வந்திருக்கிறாராம்.

மீடியாவுக்கும் மறுப்பு

எப்படி இருந்தாலும், அஜித் வீட்டு கேட்டுக்கு முன் விஜய்யின் கார் வந்ததும் சில மீடியாக்கள் விஜய்யிடம் கீழே இறங்கி ஒரு போஸ் கொடுங்க சார் என்று கேட்ட போது கூட ப்ளீஸ் இப்போ வேண்டாம் என்று கோரிக்கை வைத்து அதனை அவாய்டு செய்துள்ளார் என தகவல்கள் கசிந்துள்ளன.