“நான் சத்தியமா விஜய் 63ல் நடிக்கிறேன்”... மேடையில் ரகசியத்தை உடைத்த பிரபல நடிகர்!

வதந்திகள்:

இந்த படத்தில் நடிக்கும் நடிகர், நடிகைகள் பற்றிய அறிவிப்பு இன்னமும் அதிகாரப்பூர்வமாக வெளியிடப்படவில்லை. இதனால், இவர் தான் ஹீரோயின், இவர் தான் காமெடியன் என பல வதந்திகள் சமூகவலைதளங்களில் உலா வருகின்றன.

விவேக்:

இந்நிலையில், இப்படத்தின் காமெடியன் யார் என்பது மட்டும் தற்போது உறுதியாகியுள்ளது. ஆம், விஜய் 63ல் காமெடி நடிகர் விவேக் நடிக்க இருக்கிறார். இதனை சமீபத்தில் கலந்து கொண்ட விழா ஒன்றில் அவரே தெரிவித்துள்ளார்.

அதிகாரப்பூர்வ அறிவிப்பு:

இது தொடர்பாக அவரிடம் கேட்கப்பட்ட கேள்விக்கு அவர், "நான் சத்தியமாக விஜய்63ல் நடிக்கிறேன்" எனப் பதிலளித்துள்ளார். இந்தப் படம் அடுத்தாண்டு தீபாவளிக்கு ரிலீஸ் செய்யப்படும் என படக்குழு அதிகாரப்பூர்வமாக இப்போதே அறிவித்து விட்டது குறிப்பிடத்தக்கது.

மகிழ்ச்சி:

விஜயுடன் ஏற்கனவே பல வெற்றிப் படங்களில் விவேக் சேர்ந்து நடித்துள்ளார். அவர்களுக்கு இடையேயான கெமிஸ்ட்ரி நன்றாக இருக்கும் என்பது அனைவரும் அறிந்ததே. எனவே, விஜய் 63 படத்தில் விவேக் நடிக்க இருப்பதால் ரசிகர்கள் மகிழ்ச்சி அடைந்துள்ளனர்.