அட நம்ம விஜய் மகன் இவருடனா...தாறுமாறாக வைரலாகும் ஃபோட்டோ

லண்டனில் படிக்கும் விஜய் மகன்

விஜய், தனது பல வருட தோழி சங்கீதாவை 1999 ம் ஆண்டு திருமணம் செய்து கொண்டார். இவர்களுக்கு ஜாசன் சஞ்சய் மற்றும் திவ்யா சாஷா என்ற இரண்டு பிள்ளைகள் உள்ளனர். சஞ்சய்க்கும் படம் இயக்குவதில் அதிக ஆர்வம் உள்ளதாம். இது தொடர்பாக அவர் லண்டனில் படித்து வருகிறார்.

வைரலாக்கும் விஜய் ரசிகர்கள்

சஞ்சய் தனது தந்தை விஜய்யுடன் இருக்கும் ஃபோட்டோக்கள் மற்றும் வீடியோக்களை விஜய் ரசிகர்கள் அவ்வப்போது சோஷியல் மீடியாவில் பகிர்ந்து, அதை வைரலாக்கி வருவார்கள். விஜய்யின் மகனை எங்கு பார்த்தாலும் விஜய் ரசிகர்கள் அந்த ஃபோட்டோ எடுத்து வைரலாக்கி விடுகிறார்கள்.

நிவின் பாலியுடன் விஜய் மகன்

இந்நிலையில் சஞ்சய் மற்றும் அவரது நண்பர்கள், மலையாள சூப்பர் ஸ்டார் நிவின் பாலியுடன் எடுத்துக் கொண்ட ஃபோட்டோ ஒன்று இணையத்தில் செம வைரலாக பரவி வருகிறது. பிரேமம் படத்தின் மூலம் ஏற்கனவே தமிழ் ரசிகர்களுக்கு மிகவும் பழக்கமான நிவின் பாலி, தற்போது டைரக்டர் ராம் இயக்கும் பெயரிடப்படாத படத்தில் நடித்து வருகிறார்.

இரு ரசிகர்களும் கொண்டாட்டம்

நிவின் பாலியின் பிறந்தநாளை அவரது ரசிகர்கள் இன்று கொண்டாடி வருகின்றனர். திரையுலக பிரபலங்கள் பலர் வாழ்த்து கூறி வருகிறார்கள். இந்நிலையில் விஜய் மகனும், நிவின் பாலியும் இணைந்து எடுத்துக் கொண்ட இந்த ஃபோட்டோவை விஜய் மற்றும் நிவின் பாலி ரசிகர்கள் அதிகம் பகிர்ந்து, வைரலாக்கி வருகிறார்கள்.

தமிழில் நிவின் பாலி

நீண்ட இடைவெளிக்கு பிறகு நிவின் பாலி தமிழில் நடிக்கும் படம் இது. இந்த படத்தில் நிவின் பாலிக்கு ஜோடியாக அஞ்சலி நடித்து வருகிறார். இந்த படத்தின் ஷுட்டிங் தனுஷ்கோடியில் துவங்கி, நடந்து வருகிறது. இந்த படத்தை மாநாடு படத்தை தயாரித்த சுரேஷ் காமாட்சி தயாரிக்க உள்ளார். இந்த படத்தில் சூரியும் முக்கிய கேரக்டரில் நடிக்கிறார்.