பெங்களூரில் சூப்பர் ஹிட் ஆன தலைவா!

கடும் போட்டியை மீறி

தற்போது பெங்களூர் தியேட்டர்களில் கன்னடம் உள்ளிட்ட சில வேறு மொழிப்படங்களும் புதிதாக திரையிடப்பட்டுள்ளன. ஆனால் தலைவா படத்துக்கு நல்ல வரவேற்பு கிடைத்துள்ளதாம்.

26 திரைகளில்

தலைவா படம் பெங்களூரில் மட்டும் 26 திரைகளில் திரையிடப்பட்டுள்ளதாம். தமிழகத்தில் இருந்து ரசிகர்கள் பட்டாளம் பெங்களூருக்கு படையெடுத்துள்ளது.

கன்னடர்களுடன் ரசித்தேன்

சங்கர் என்ற ரசிகர் கூறுகையில், பெங்களூர் எனக்குப் பிடிக்கும். நல்ல காஸ்மோபாலிட்டன் சிட்டி இது. தலைவா படத்தை எனது கன்னட நண்பர்களுடன் இணைந்து ரசித்துப் பார்த்தேன் என்றார்.

கன்னடர்களும் ஆர்வம்

கன்னட ரசிகர்களும் பெரும் ஆர்வத்துடன் தலைவாவைப் பார்த்து வருகிறார்களாம். இதுகுறித்து ஒரு கன்னட ரசிகர் கூறுகையில், நான் கன்னடியர். பிற மொழிப் படங்களை விரும்பிப் பார்ப்பேன். விஜய் ரசிகன் நான். எனது நண்பர்களோடு சேர்ந்து வந்து படம் பார்த்தேன் என்றார்.

டோனிக்கும் ஆதரவு

டோனி என்ற கன்னடப் படமும் தற்போது பெங்களூரில் ரிலீஸாகி ஓடி வருகிறது. அந்தப் படம், தலைவா, சென்னை எக்ஸ்பிரஸ் ஆகியவற்றுக்குத்தான் தற்போது கடும் போட்டி நிலவுகிறதாம்.

நல்ல பிசினஸ்

தலைவா படத்திற்கு பெங்களூரில் நல்ல பிசினஸ் என்று சொல்கிறார்கள். திரையிட்ட தியேட்டர்களிலெல்லாம் படம் அரங்கு நிறைந்த காட்சிகளாக ஓடிக் கொண்டிருக்கிறதாம்.

தியேட்டர்கள் அதிகரிப்பு

படத்திற்குக் கிடைத்துள்ள வரவேற்பைப் பார்த்து தலைவாவை திரையிடாத தியேட்டர்களும் கூட தற்போது தலைவாவுக்கு மாறத் தொடங்கியுள்ளனவாம்.

விமர்சனம் பாதிக்கவில்லை

தலைவா படம் குறித்த விமர்சனங்களால் வசூலில் பாதிப்பில்லை என்றும் சொல்கிறார்கள். முதல் வார இறுதியில்வசூல் சிறப்பாகவே இருந்ததாக சொல்கிறது கன்னட விநியோகஸ்தர்கள் மற்றும் திரையரங்க வட்டாரம்.