'வாரிசு' இல்லையா? இதுதான் தளபதி 66 படத்தின் டைட்டிலா? இதையாவது நம்பலாமா?

வாரிசு

விஜய் எப்போதுமே தனது ரசிகர்களை பிறந்தநாள் அன்று தவிக்கவிட மாட்டார். அவர்களுக்கான சரியான ட்ரீட்டை கொடுத்து விடுவது வழக்கம். இந்நிலையில், விஜய் பிறந்தநாளை முன்னிட்டு இன்னும் கொஞ்ச நேரத்தில் ஃபர்ஸ்ட் லுக் வெளியாகி விடும். படத்தின் அதிகாரப்பூர்வ டைட்டில் என்ன என்பதும் தெரிந்து விடும். முன்னதாக இந்த படத்தின் தலைப்பு வாரிசு என ஒரு வதந்தி வலம் வந்தது குறிப்பிடத்தக்கது.

பூவே உனக்காக ஸ்டைலில்

ரத்தம் தெறிக்க தெறிக்க, தோட்டாக்கள் வெடித்து சிதற இப்படியே தமிழ் சினிமாவில் படங்கள் வந்து கொண்டிருக்கும் நிலையில், பீஸ்ட் படமே ஒரு ஜாலியான படமாக இருக்கும் என எதிர்பார்க்கப்பட்டது. ஆனால், ஜாலி குறைந்து ஆக்‌ஷன் அதிகரித்ததே அந்த படத்திற்கு பெரிய சிக்கலாக மாறி விட்டது. இந்நிலையில், பூவே உனக்காக ஸ்டைலில் தளபதி 66 படம் இருக்கும் என ரசிகர்கள் எதிர்பார்த்து காத்திருக்கின்றனர்.

நட்சத்திர பட்டாளம்

விஜய், ராஷ்மிகா மந்தனா, சரத்குமார், பிரபு, சங்கீதா என நட்சத்திர பட்டாளமே இந்த படத்தில் நடித்து வருகின்றனர். தமிழ் மற்றும் தெலுங்கு ரசிகர்களை டார்கெட் செய்து இந்த படம் உருவாகி வந்தாலும், இது முழுக்க முழுக்க ஒரு தமிழ் படம் என நடிகர் விஜய்யே பீஸ்ட் படத்தின் வெளியீட்டுக்கு முன் அளித்த பேட்டியில் கூறியிருந்தார்.

வம்சம்

இந்நிலையில், தற்போது இன்னொரு டைட்டில் சமூக வலைதளங்களில் சற்று முன் உலாவத் தொடங்கி இருக்கிறது. தளபதி 66 படத்தின் டைட்டில் வாரிசு இல்லை என்றும் வம்சம் என்றும் தகவல்கள் வெளியாகி வருகின்றன. இந்த இரண்டில் ஒரு டைட்டிலாக இருக்குமா? அல்லது புதுசா ஒரு டைட்டில் இருக்குமா என்பது இன்று மாலை 6 மணிக்கு தெரிந்துவிடும்.

அருள்நிதி படமாச்சே

வம்சம் என தளபதி 66க்கு டைட்டில் வைக்கப்பட்டுள்ளதாக தகவல்கள் வெளியான நிலையில், அதற்கு கீழ் அஜித் ரசிகர்கள், இது அருள்நிதி, சுனைனா நடித்து பாண்டிராஜ் இயக்கிய படத்தின் டைட்டில் ஆச்சே என்றும் ரம்யா கிருஷ்ணன் இதே டைட்டிலில் சன் டிவியில் ஒரு சீரியலிலும் நடித்திருந்தாரே? என்றும் ட்ரோல்களும் ஆரம்பித்து விட்டன.