Don't Miss!
- Finance ரூ.4,000 கோடிக்கு ஐபிஓ.. ரெடியான ஓலா நிறுவனம்..!
- Sports என்ன வீடியோ கேம் விளையாடுறாங்க.. 11 சிக்ஸ், 13 ஃபோர்ஸ்.. 5 ஓவர்களில் சதம்.. வரலாறு படைத்த ஐதராபாத்!
- News 24 மணி நேரம் கழித்து.. வெளியான தமிழக வாக்குப்பதிவு சதவிகிதம்.. இந்தளவுக்கு தாமதம் ஆக என்ன காரணம்
- Automobiles ஓலா ஷோரூம் இல்லாத ஊரே இல்ல போல!! இன்னும் சில வருஷத்தில் தெருவுக்கு ஒண்ணும் வந்துவிடும்!
- Lifestyle நீங்க போடுற டீ அமிர்தம் மாதிரி இருக்கணுமா? அப்ப டீ போடுறப்ப இந்த தவறுகளை தெரியாம கூட பண்ணிராதீங்க...!
- Technology கடையை இழுத்து மூடும் OnePlus.. இனி தமிழ்நாட்டில் ஒன்பிளஸ் போன் வாங்க முடியாதா? உண்மை என்ன?
- Education தமிழ்நாடு மெர்க்கன்டைல் வங்கியில் பணிபுரிய அற்புதமான வாய்ப்பு..!
- Travel தமிழ்நாட்டுக்குள்ள வெயில் கொளுத்துது – ஆனா இந்தியாவின் இந்த இடங்களில பனிச்சரிவு – என்ன வினோதம் இது?
தளபதி 67 பூஜைக்கு நாள் குறித்த லோகேஷ்… வெறித்தனமாக ரெடியாகும் விஜய்… அந்த டைட்டில் டீசர்..?
சென்னை: வாரிசு படத்தை தொடர்ந்து லோகேஷ் கனகராஜ் இயக்கும் 'தளபதி 67'-ல் நடிக்க கமிட் ஆகியுள்ளார் விஜய்.
வாரிசு படப்பிடிப்பு இறுதிக்கட்டத்தை எட்டியுள்ள நிலையில், விரைவில் தளபதி 67 ஷூட்டிங் தொடங்கும் என எதிர்பார்க்கப்படுகிறது.
இந்தத் தகவலை உறுதி செய்யும் விதமாக தளபதி 67 படம் குறித்த மாஸான அப்டேட் தற்போது வெளியாகியுள்ளது.
பொங்கல் ரேஸில் உக்கிரமான வாரிசு, துணிவு… பஞ்சாயத்தை கூட்டிய விஜய், அஜித் ரசிகர்கள்!
தளபதி 67 பூஜை
விஜய் நடித்துள்ள 'வாரிசு' பொங்கல் பண்டிகையை முன்னிட்டு தமிழ், தெலுங்கு மொழிகளில் வெளியாகிறது. விஜய்யுடன் ராஷ்மிகா மந்தனா, பிரகாஷ்ராஜ், சரத்குமார், எஸ்ஜே சூர்யா, குஷ்பு உள்ளிட்ட பலர் நடித்துள்ள இந்தப் படத்தை வம்ஷி பைடிபள்ளி இயக்கி வருகிறார். இதனைத் தொடர்ந்து விஜய் தனது 67வது படத்தில் இயக்குநர் லோகேஷ் கனகராஜுடன் இணைகிறார் ஏற்கனவே மாஸ்டர் படத்தில் கூட்டணி வைத்திருந்த இந்த ஜோடி, தற்போது தளபதி 67ல் மீண்டும் இணைகின்றனர். தற்காலிகமாக 'தளபதி 67' என்ற டைட்டிலில் தொடங்கும் இந்தப் படத்தின் பூஜை குறித்து தகவல் கிடைத்துள்ளது.
நாள் குறித்த லோகேஷ்
ஏற்கனவே தளபதி 67 படத்தின் அப்டேட் டிசம்பர் மாதம் வெளியாகும் என லோகேஷ் கூறியிருந்தார். தற்போது அதனை உறுதிசெய்யும் விதமாக 'தளபதி 67' பூஜை டிசம்பர் 5ம் தேதி நடைபெறவுள்ளதாகக் கூறப்படுகிறது. மேலும், தளபதி 67 பூஜை ரொம்பவே சிம்பிளாக நடைபெறும் எனவும் சொல்லப்படுகிறது. இதில், விஜய், லோகேஷ் கனகராஜ் உள்ளிட்ட முக்கியமான நபர்கள் மட்டுமே கலந்துகொள்ள உள்ளதாகவும் தெரிகிறது. இதுகுறித்த அதிகாரப்பூர்வ அறிவிப்பை படக்குழு விரைவில் வெளியிடும் என எதிர்பார்க்கப்படுகிறது.
ரெடியான விஜய்
வாரிசு படத்தில் விஜய்யின் பகுதி முழுவதும் முடிந்துவிட்டதாக தெரிகிறது. இதனால், தளபதி 67 படப்பிடிப்பு அவர் முழுமையாக ரெடியாகிவிட்டாராம். தளபதி 67 பூஜை முடிந்ததும், டைட்டில் டீசருக்கான ஷூட்டிங்கை மட்டும் உடனடியாக நடத்த லோகேஷ் முடிவு செய்துள்ளாராம். அதன்பின்னர், விஜய் கிறிஸ்துமஸ் கொண்டாட லண்டன் செல்லவுள்ளதால், அவர் திரும்ப சென்னை வந்ததும் அடுத்தக்கட்ட படப்பிடிப்பு நடைபெறும் என சொல்லப்படுகிறது. 'தளபதி 67' படத்துக்கான டைட்டில் டீசர், ரசிகர்களுக்கான கொண்டாட்டமாக இருக்க வேண்டும் என விஜய்யும் லோகேஷும் முடிவு செய்துள்ளார்களாம்.
விக்ரம் டைட்டில் டீசர் மாடலில்
2020ம் ஆண்டு நவம்பர் 7ம் தேதி கமலின் பிறந்தநாளை முன்னிட்டு கமல் - லோகேஷ் கூட்டணியில் விக்ரம் படம் குறித்து அறிவிப்பு வெளியானது. அதற்காக கமல்ஹாசனை வைத்து லோகேஷ் ஷூட் செய்திருந்த விக்ரம் டைட்டில் டீசர், படம் மீதான எதிர்பார்ப்பை தாறுமாறாக எகிற வைத்தது. மரத்தால் செய்யப்பட்ட வீட்டினுள்ளே, நவீன துப்பாக்கிகளை எல்லாம் ஒழித்து வைத்துவிட்டு அரசியல்வாதிகளுக்கும் போலீஸார்களுக்கும் தடபுடலாக விருந்து கொடுப்பார் கமல். அதன்பின்னர் என்ன நடக்கும் என்பது தான் விக்ரம் கதை என லீட் கொடுத்திருந்தார் லோகேஷ். தற்போது அதே ஸ்டைலில் தளபதி 67 டைட்டில் டீசர் உருவாகவுள்ளதாம்.
வெயிட்டிங்கில் விஜய் ரசிகர்கள்
விக்ரம் டைட்டில் டீசரில் 'ஆரம்பிக்களாங்களா' என கமல் கேட்பது பயங்கர ட்ரெண்ட் ஆனது. அதே ஸ்டைலில் தளபதி 67 டைட்டில் டீசரையும் லோகேஷ் ஷூட் செய்யவுள்ளார். விஜய்யும் அதற்கு ஓக்கே சொல்லிவிட்ட நிலையில், இதற்கான படப்பிடிப்பு வரும் 7ம் தேதி நடைபெறவுள்ளதாக தகவல் கிடைத்துள்ளது. இதில், விஜய்யின் லுக் எப்படி இருக்கும் என தெரிந்துவிடும் என்பதால், ரசிகர்கள் மரண வெயிட்டிங்கில் உள்ளனர். தளபதி 67 லோகேஷ் சினிமாட்டிக் யுனிவர்ஸ் கான்செப்ட்டில் இருக்கும் என ஏற்கனவே செய்திகள் வெளியாகியுள்ளன. அதேபோல், விஜய் இந்தப் படத்தில் கேங்ஸ்டராக நடிக்க உள்ளதாகவும் கூறப்படுகிறது.