Click it and Unblock the Notifications
என்ன, விஜயின் துப்பாக்கி வசூல் ரூ.180 கோடியா?!
ஏ.ஆர். முருகதாஸ் இயக்கத்தில் விஜய், காஜல் அகர்வால் நடித்த துப்பாக்கி படம் ரிலீஸாகி 100 நாட்களை கடந்துள்ளது. இந்நிலையில் துப்பாக்கி படம் இந்தியாவில் மட்டும் ரூ.180 கோடி வசூலித்துள்ளதாக ஈராஸ் இன்டர்நேஷனல் அறிவித்துள்ளது. இதன் மூலம் ரூ.100 கோடி வசூல் சாதனை செய்த நான்காவது தமிழ் படம் என்ற பெருமையை துப்பாக்கி பெற்றுள்ளது.
துப்பாக்கி படம் நவம்பர் மாதம் 13ம் தேதி உலகம் முழுவதும் 1,500 திரைகளில் திரையிடப்பட்டது. தமிழகத்தில் படம் ரிலீஸான அன்றே ரூ.9.25 கோடி வசூலித்தது. ரிலீஸான முதல் வாரம் உலகம் முழுவதும் ரூ.65.32 கோடி வசூல் செய்தது என்று செய்திகள் வெளியாகின.
துப்பாக்கி ரூ.100 கோடி வசூல் செய்தது என்பதையே நம்ப முடியாத நிலையில் பலர் இருக்க, அந்த படம் ரூ.180 கோடி வசூல் செய்துள்ளது என்று அறிவிக்கப்பட்டுள்ளது என்பது குறிப்பிடத்தக்கது.
Continue with Google