For Quick Alerts
    ALLOW NOTIFICATIONS  
    For Daily Alerts

    ரஜினி, கமல், விஜய்யை தொடர்ந்து இப்போ மம்முட்டியுமா…? விஜய் சேதுபதி காட்டுல மழை தான்…

    |

    சென்னை: தமிழ்த் திரையுலகில் முன்னணி நடிகராக வலம் வரும் விஜய் சேதுபதி, மல்டி ஸ்டார்ஸ் படங்களில் அதிகமாக நடித்து வருகிறார்.

    ரஜினி, கமல், விஜய், ஷாருக்கான் என டாப் ஹீரோக்களுடன் நடித்துவிட்ட விஜய் சேதுபதி, அடுத்து மெகா ஸ்டார் ஒருவருடன் கலக்கப் போகிறாராம்.

    அதன்படி, விஜய் சேதுபதியுடன் மலையாள முன்னணி நடிகர் மம்முட்டி இணைந்து நடிக்கவுள்ளதாக தகவல் வெளியாகியுள்ளது.

    ஜவானில் இவரு… தளபதி 67ல் அவரு… விஜய் – ஷாருக்கான் கேமியோ அக்ரிமெண்ட்ஜவானில் இவரு… தளபதி 67ல் அவரு… விஜய் – ஷாருக்கான் கேமியோ அக்ரிமெண்ட்

    மாஸ் காட்டும் விஜய் சேதுபதி

    மாஸ் காட்டும் விஜய் சேதுபதி

    விஜய் சேதுபதியின் கேரியரை திருப்பிப் பார்த்தால் சினிமாவே பிடிக்காத ரசிகர்கள் கூட மிரண்டு விடுவார்கள். ஜூனியர் ஆர்ட்டிஸ்ட்டாக பல படங்களில் நடித்து வந்தவர், இன்று அந்த ஏரியா, இந்த ஏரியா என எல்லா ஏரியாக்களிலும் புகுந்து விளையாடுகிறார். கூட்டத்தில் ஒருவராக, ஹீரோவின் நண்பராக, வில்லனாக, ஹீரோவாக இப்போது எந்த கேரக்டர் என்றாலும் விஜய் சேதுபதி மாஸ் காட்டி வருகிறார். ரஜினியுடன் தர்பார், விஜய்யுடன் மாஸ்டர், கமலுடன் விக்ரம் படங்களில் விஜய் சேதுபதியின் காம்போ செம்மையாக ஒர்க் அவுட் ஆனது.

    பாலிவுட்டிலும் வில்லன் தான்

    பாலிவுட்டிலும் வில்லன் தான்

    இந்தாண்டில் மட்டும் காத்துவாக்குல ரெண்டு காதல், மாமனிதன், விக்ரம் ஆகிய படங்களில் வெரைட்டியாக நடித்து அசத்தியிருந்தார். இதனைத் தொடர்ந்து தற்போது பாலிவுட்டில் ஜவான் படத்தில் ஷாருக்கானுக்கு வில்லனாக நடித்து வருகிறார். அட்லீ இயக்கும் இந்தப் படத்தில், விஜய் சேதுபதி தான் வில்லனாக வேண்டும் என ஷாருக்கானே அடம் பிடித்து கால்ஷீட் வாங்கியதாக சொல்லப்படுகிறது. அதற்காக பெரிய தொகையையும் சம்பளமாக கொடுத்துள்ளார். இந்நிலையில், இப்போது மல்லுவுட் மெகா ஸ்டாருடனும் விஜய் சேதுபதி நடிக்கவுள்ளதாக சொல்லப்படுகிறது.

    மம்முட்டியுடன் இணையும் விஜய் சேதுபதி

    மம்முட்டியுடன் இணையும் விஜய் சேதுபதி

    400க்கும் அதிகமான படங்களில் நடித்துள்ள மம்முட்டி, மலையாள ரசிகர்களின் மெகா ஸ்டார் என்பது குறிப்பிடத்தக்கது. தமிழில் ரஜினியுடன் தளபதி உள்ளிட்ட பல படங்களில் நடித்துள்ள மம்முட்டி, இப்போது விஜய் சேதுபதியுடன் நடிக்கவுள்ளாராம். காக்கா முட்டை மணிகண்டன் இயக்கும் இந்தப் படத்தில் விஜய் சேதுபதியும், மம்முட்டியும் லீட் ரோலில் நடிப்பதாகக் கூறப்படுகிறது. முதல் படத்திலேயே தேசிய விருது வென்ற மணிகண்டன், இறுதியாக கடைசி விவசாயி படத்தை இயக்கியிருந்தார்.

    விரைவில் ஷூட்டிங்

    விரைவில் ஷூட்டிங்

    விஜய் சேதுபதி, மம்முட்டி இணைந்து நடிக்கும் படத்தின் ஷூட்டிங் இந்த மாதமே தொடங்கவுள்ளதாகவும் சொல்லப்படுகிறது. இயக்குநர் மணிகண்டன் லொகேஷன் எல்லாம் முடிவு செய்துவிட்டதோடு, விஜய் சேதுபதி, மம்முட்டி இருவரின் கால்ஷீட்டையும் சரியாக ஷெட்யூல் செய்துவிட்டாராம். அதனால், இந்த மாதம் படப்பிடிப்பை தொடங்குவதோடு, வேகமாக மொத்த ஷூட்டிங்கையும் முடித்துவிட திட்டமிட்டுள்ளாராம். ஷூட்டிங் தொடங்கும் போதே அதிகாரப்பூர்வமான அறிவிப்பை வெளியிட படக்குழு முடிவு செய்துள்ளதாக தகவல் வெளியாகியுள்ளது. ரஜினி, கமல், விஜய் என டாப் ஹீரோக்களுடன் நடித்துவிட்ட விஜய் சேதுபதி, இப்போது மம்முட்டியுடனும் நடிக்கவிருப்பது ரசிகர்களிடம் எதிர்பார்ப்பை ஏற்படுத்தியுள்ளது.

    English summary
    Manikandan made his debut as a director with the film Kaka Muttai. Finally, his directorial film Last Farmer was released and received a great response. In this case, it has been reported that Vijay Sethupathi and Mammootty will act together in Manikandan's next film. It is also said that the shooting of this film will start this month.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X