பாலிவுட்டை பதறவைத்த விஜய் சேதுபதி... Farzi வெப் சீரிஸ் ட்ரெய்லர் ரிலீஸ்... OTT ஆடியன்ஸ் ரெடியா?

பாலிவுட்டில் விஜய் சேதுபதி

தமிழில் பல படங்களில் கூட்டத்தில் ஒருவனாக வந்து சென்ற விஜய் சேதுபதி, தற்போது கோடிக்கணக்கான ரசிகர்களின் மாஸ் ஹீரோவாக கலக்கி வருகிறார். கிடைத்த வாய்ப்புகளில் எல்லாம் ஸ்கோர் செய்த விஜய் சேதுபதியின் கால்ஷீட் இன்று செம்ம பிஸியாக உள்ளது. ஹீரோ, காமெடி, வில்லன் என வெரைட்டியான பாத்திரங்களில் நடித்துள்ள விஜய் சேதுபதி கோலிவுட் பக்கம் சென்றார். அங்கும் ரசிகர்களை அசரடித்த அவர் தற்போது பாலிவுட் ரசிகர்களையும் பதற வைத்துள்ளார்.

மாஸ் கூட்டணியில் ஃபார்ஸி வெப் சீரிஸ்

இந்தியில் பல வெற்றிப் படங்களை கொடுத்துள்ள ராஜ் & டிகே, கடைசியாக தி பேமிலி மேன் வெப் சீரிஸ்ஸை இயக்கியிருந்தனர். மனோஜ் பாஜ்பாய், சமந்தா நடிப்பில் அமேசான் ஓடிடியில் வெளியான தி பேமிலி மேன் ரசிகர்களிடம் வரவேற்பை பெற்றது. இதனைத் தொடர்ந்து ராஜ் & டிகே இயக்கியுள்ள ஃபார்ஸி வெப் சீரிஸில் தான் விஜய் சேதுபதி நடித்துள்ளார். அவருடன் ஷாகித் கபூர், ராஷி கண்ணா ஆகியோரும் முக்கியமான பாத்திரங்களில் நடித்துள்ளனர்.

வெளியானது ஃபார்ஸி ட்ரெய்லர்

இந்நிலையில், ஃபார்ஸி வெப் சீரிஸ்ஸின் ட்ரெய்லரை படக்குழு வெளியிட்டுள்ளது. டிகே & ராஜ் இந்த வெப் சீரிஸ்ஸிலும் வழக்கமாக தங்களது இன்வெஸ்டிகேஷன் ஆக்‌ஷன் ட்ரீட்டை ரசிகர்களுக்கு கொடுத்துள்ளனர். ஆடம்பரமாக வாழ ஆசைப்படும் ஷாகித் கபூர் கோடி கோடியாக கள்ள நோட்டுகளை அச்சடிக்கிறார். அவரையும் அவரது கும்பலையும் தேடி வரும் ஸ்பெஷல் போலீஸ் ஆபிஸராக விஜய் சேதுபதி நடித்துள்ளார். ஷாகித் கபூரின் வில்லத்தனமும் விஜய் சேதுபதியின் மேனரிசமும் ஃபார்ஸி வெப் சீரிஸ் மீதான எதிர்பார்ப்பை அதிகரிக்க வைத்துள்ளது.

அமேசான் ஓடிடியில் ரிலீஸ்

முழுக்க முழுக்க ஆக்‌ஷன் ஜானரில் உருவாகியுள்ள ஃபார்ஸி வெப் சீரிஸ், விஜய் சேதுபதிக்கு பாலிவுட்டில் மாஸ் என்ட்ரியாக இருக்கும் என சொல்லப்படுகிறது. எப்போதும் போல அதே அசால்ட்டான பாடி லேங்குவேஜில் செம்ம மாஸ்ஸாக மிரட்டியிருக்கிறார் விஜய் சேதுபதி. தமிழ், தெலுங்கு உட்பட பல மொழிகளில் உருவாகியுள்ள ஃபார்ஸி வெப் சீரிஸ், பிப்ரவரி 10ம் தேதி அமேசான் பிரைமில் வெளியாகிறது. விஜய் சேதுபதி - ஷாகித் கபூர் காம்போவில் தரமான ஒரு வெப் சீரிஸ்ஸை பார்ப்பதற்காக ஓடிடி ரசிகர்கள் வெயிட்டிங்கில் உள்ளனர்.