வில்லன் இல்லை.. சூப்பர்ஸ்டாருக்கு தம்பியா நடிக்கப் போறாராம் விஜய் சேதுபதி!

கார்த்திக் சுப்புராஜ் படம்

ரஜினி ரஞ்சித்துடன் கூட்டணி அமைத்ததை தொடர்ந்து இயக்குனர் கார்த்திக் சுப்புராஜுடன் இணைய இருக்கிறார். இப்படத்திற்கான அறிவிப்பு சமீபத்தில் தான் வெளியாகி இருந்தது. அதோடு படத்தை சன் பிக்சர்ஸ் தான் தயாரிக்க இருப்பதாக அறிவிக்கப்பட்டது.

தம்பியாக விஜய் சேதுபதி

சூப்பர்ஸ்டாரின் இந்தப் படத்தில் விஜய் சேதுபதி ரஜினிக்கு வில்லனாக நடிக்க இருப்பதாக முதலில் கூறப்பட்டது. ஆனால், தற்போதைய தகவல்படி விஜய் சேதுபதி ரஜினிக்கு தம்பியாக நடிக்க இருக்கிறாராம்.

படக்குழு

இந்தப் படத்திற்கு இளம் இசையமைப்பாளர் அனிருத் முதன் முறையாக ரஜினியுடன் இணையவுள்ளார். மேலும் இதில் நடிக்கும் மற்ற நடிகர், நடிகைகள், தொழில் நுட்பக் கலைஞர்கள் யார் என்கிற விவரங்கள் இன்னும் வெளியாகவில்லை.

கார்த்திக் சுப்புராஜ் படத்தில்

ஏற்கனவே கார்த்திக் சுப்புராஜ் இயக்கிய 'பீட்சா', 'இறைவி' படங்களில் விஜய்சேதுபதி நடித்திருக்கிறார். எனவே, ரஜினி நடிக்கும் இந்த படத்திலும் விஜய்சேதுபதி நிச்சயம் நடிப்பார் எனக் கூறப்படுகிறது. ரஜினியுடன் விஜய்சேதுபதி இணையும் முதல் படம் என்பதால் எதிர்பார்ப்பு அதிகமாகியுள்ளது.