Click it and Unblock the Notifications
விஜய் சேதுபதிக்குப் போன ஜீவாவின் வாய்ப்பு!
பேராண்மை இயக்குநர் ஜனநாதன் இயக்கும் புதிய படத்தில் ஜீவாவிற்கு பதிலாக விஜய் சேதுபதி நடிக்க உள்ளதாக தகவல்கள் வெளியாகியுள்ளன.
இயற்கை, ஈ, பேராண்மை போன்ற படங்களை இயக்கியவர் ஜனநாதன். இப்போது நீண்ட இடைவெளிக்குப் பின்னர் புதிய படம் ஒன்றை இயக்கி வருகிறார்.
'ஈ' படத்தில் ஜீவாவையும், 'பேராண்மை' படத்தில் 'ஜெயம்' ரவியையும் இயக்கி இருந்தார் ஜனநாதன். தற்போது இருவரையும் ஒன்றாக வைத்து ஒரு புதிய படத்தை இயக்க திட்டமிட்டிருந்தார். படத்துக்கு 'தூக்கு தண்டனை' என்ற பெயரைத் தேர்வு செய்து வைத்திருந்தனர்.
இந்த நிலையில், ஜீவா அடுத்தடுத்து சில படங்களில் புக்காகி இருப்பதால், ஜனநாதன் இயக்கும் படத்துக்கு கால்சீட் ஒதுக்க முடியாமல் போய்விட்டது.எனவே, ஜீவாவுக்குப் பதில் விஜய் சேதுபதியை வைத்து இயக்கலாம் என்ற முடிவுக்கு ஜனநாதன் வந்திருப்பதாகத் தகவல் வெளியாகியுள்ளது.
பீட்ஷா, நடுவுல கொஞ்சம் பக்கத்தை காணோம், சூதுகவ்வும் போன்ற படங்களின் நடித்து ஹாட்ரிக் வெற்றி கொடுத்துள்ளார் விஜய் சேதுபதி. இப்போது ஜனநாதன் படத்தில் நடிக்க ஒப்பந்தம் செய்யப்பட்டுள்ளார்.
தூக்கு தண்டனை என்ற படத்தின் பெயரையும் 'புறம்போக்கு' என்று மாற்றிவிட்டார்களாம். விரைவில் படப்பிடிப்பு தொடங்க உள்ளது. இந்தப் படத்தை யுடிவி நிறுவனம் தயாரிக்கிறது. ஆனால் 'ஜெயம்' ரவி இந்தப் படத்தில் நடிப்பாரா என்பது குறித்த தகவல் கிடைக்கவில்லை.
Continue with Google