காசு, பணம், துட்டு கெட்டப்பில் "55 வயது" விஜய் சேதுபதி... ‘ஆரஞ்சு மிட்டாய்’ பர்ஸ்ட் லுக் போஸ்டர்!

Published: Tuesday, November 11, 2014, 12:39 [IST]

சென்னை: விஜய் சேதுபதி தயாரித்து நடிக்கும் ஆரஞ்சு மிட்டாய் படத்தின் பர்ஸ்ட் லுக் போஸ்டர் வெளியாகியுள்ளது. அதில், நரைத்த தலையுடன் காசு, பணம், துட்டு படப் பாடல் ரேஞ்சுக்கு விஜய் சேதுபதி அமர்ந்திருக்கிறார்.

வித்தியாசமான கதைகளைத் தேடிப் பிடித்து நடித்து வருபவர் நடிகர் விஜய் சேதுபதி. பீட்சா, நடுவுல கொஞ்சம் பக்கத்தைக் காணோம் படங்களில் இளமையான தோற்றத்தில் நடித்திருந்தவர் தடாலடியாக சூது கவ்வும் படத்தில் 45 வயதிற்கு மேற்பட்டவர் தோற்றத்தில் நடித்திருந்தார்.

இந்நிலையில், இந்த ஆரஞ்சு மிட்டாய் படத்தில் இன்னும் ஒருபடி மேலே போல் தலை நரைத்த "அங்கிள்" ஆக நடித்துள்ளார்.

இறுதி கட்டப் படப்பிடிப்புகள்...

ஆரஞ்சு மிட்டாயின் கதையில் ஈர்க்கப் பட்டு தானே தயாரிப்பதாக களத்தில் இறங்கினார் விஜய் சேதுபதி. இப்படத்தின் இறுதி கட்டப் படப்பிடிப்புகள் நடந்து வருகிறது.