பாவம்ய்யா விஜய் சேதுபதி.. ‘ஆர் யூ ஓகே பேபி’யை எப்டி யூஸ் பண்ணியிருக்காங்க பாருங்க!

வித்தியாசமான பிரச்சாரம்

குமுதா ஹேப்பி அண்ணாச்சி, ஆர் யூ ஓகே பேபி என விஜய் சேதுபதி பிரபலமான தனது பட டயலாக்குகளை எல்லாம் வைத்து வித்தியாசமாக செந்தில்நாதனுக்கு வாக்களிக்கச் சொல்வது போல் அந்த ஆடியோ உள்ளது.

விஜய் சேதுபதி பிரச்சாரம்

இதைக் கேட்டவர்கள் நிஜமாகவே விஜய் சேதுபதி தான் அதிமுக வேட்பாளருக்காக பிரச்சாரம் செய்கிறாரோ என ஆச்சர்யம் அடைந்தனர். ஆனால், உண்மை அது இல்லை. தொழில்நுட்ப வளர்ச்சியால் யாரோ மிமிக்ரி செய்பவரை வைத்து விஜய் சேதுபதி பேசியது போலவே இப்படி ஒரு ஆடியோவை உருவாக்கியுள்ளனர்.

விஜய் சேதுபதியின் குரல்

இந்த ஆடியோவை யார் தயாரித்தார்கள் எனத் தெரியவில்லை. ஆனால் தத்ரூபமாக விஜய் சேதுபதியே பேசுவது போல் உள்ளது. முன்பெல்லாம் நடிகர்கள் போன்று வேடமணிந்து சென்று வாக்கு சேகரிப்பார்கள். ஆனால், இப்போது தொழில்நுட்ப வளர்ச்சியால் மக்களின் ஆதரவு பெற்ற நடிகர்களின் குரலை மிமிக்ரி செய்து இப்படி வாக்கு சேகரிக்கிறார்களே என மக்கள் ஆதங்கப் படுகின்றனர்.

விஜய் சேதுபதி மறுப்பு

இந்த வீடியோ குறித்து கேள்விப்பட்ட விஜய் சேதுபதி, அதில் பேசுவது நானில்லை எனத் தெரிவித்துள்ளார். அதோடு, ‘உங்க தொகுதிக்கு யார் நல்லது செய்யவாங்கன்னு நினைக்கறீங்களோ, அவங்களுக்கு ஓட்டு போடுங்க. ஆனா, நிச்சயம் ஓட்டு போடுங்க'' என அரவக்குறிச்சி தொகுதி மக்களுக்கு அறிவுரை கூறியுள்ளார்.