வாரிசு படம் குறித்து முக்கியமான தகவல்.. அட,இந்த அப்டேட்டை எதிர்பார்க்கலையே!

விஜய்

நடிகர் விஜய் நடிப்பில் கடைசியாக வெளியான பீஸ்ட் திரைப்படம் எதிர்பார்த்த வெற்றியை பெறாததால், அடுத்த படத்தில் எப்படியாவது ஹிட் கொடுக்க வேண்டும் என்கிற முனைப்புடன் பணியாற்றி வருகிறார் விஜய். அவர் நடிப்பில் தற்போது வாரிசு திரைப்படம் உருவாகி வருகிறது. பிரபல தெலுங்கு இயக்குனரும், தமிழில் தோழா படத்தை இயக்கியவருமான வம்சி பைடிப்பள்ளி தான் இப்படத்தை இயக்குகிறார்.

வாரிசு

வாரிசு படத்தில் நடிகர் விஜய்க்கு ஜோடியாக ராஷ்மிகா மந்தானா நடித்து வருகிறார். இவர்கள் இருவரும் ஜோடியாக நடிப்பது இதுவே முதன்முறையாகும். இதேபோல் பிரபு, பிரகாஷ் ராஜ், ஷியாம், சரத்குமார், சம்யுக்தா, குஷ்பு, யோகிபாபு என மிகப்பெரிய நட்சத்திர பட்டாளமே இப்படத்தில் நடித்து வருகிறது. தில் ராஜு தயாரிப்பில் பிரம்மாண்டமாக உருவாகும் இப்படத்திற்கு தமன் இசையமைக்கிறார்.

வெளியான வீடியோ

வாரிசு படத்தின் ஷூட்டிங் ஸ்பாட் புகைப்படங்களும், வீடியோக்களும் தொடர்ந்து வெளிவந்த வண்ணம் உள்ளன. சமீபத்தில் மருத்துவமனையில் வாரிசு படத்தின் ஷூட்டிங் நடைபெற்ற எடுத்த வீடியோவும், டூயட் காட்சியும் லீக்கானது. இதனால், படப்பிடிப்பு தளத்தில் செல்போனை பயன்படுத்தக்கூடாது என கடுமையான உத்தரவு பிறப்பிக்கப்பட்டுள்ளது.

அட செம அப்டேட்

இந்நிலையில் இப்படத்தின் ஃபர்ஸ்ட் சிங்கிள் பாடல் வரும் தீபாவளிக்கு வெளியிட திட்டமிடப்பட்டுள்ளதாக தகவல் வெளியாகியுள்ளது. தமன் இசையில் உருவாகியுள்ள இந்த பாடல் தாறுமாறாக இருக்கும் என கூறப்படுகிறது. விஜய்யின் பிறந்தநாளில் போது ஃபர்ஸ்ட் லுக்போஸ்டரை படக்குழு வெளியிட்டது. அதன்பின்னர் எந்த ஒரு தகவலும் படம் குறித்து வெளியாகவில்லை. தற்போது இந்த தகவல் இணையத்தில் வெளியாகி உள்ளதால், ரசிகர்கள் குஷியில் உள்ளனர்.