அச்சச்சோ.. குக் வித் கோமாளி மணிமேகலைக்கு என்ன ஆச்சு? இன்ஸ்டா பதிவால் டென்ஷனாகும் நெட்டிசன்ஸ்!

கோமாளிகள்

குக் வித் கோமாளி நிகழ்ச்சியில் பங்கேற்ற மணிமேகலை தற்போது குக் வித் கோமாளி சீசன் 2 நிகழ்ச்சியிலும் பங்கேற்றுள்ளார். மதுரை முத்து, ஷகிலா, தர்ஷா குப்தா, பாபா பாஸ்கர், கனி, தீபா, அஸ்வின், பவித்ரா லட்சுமி ஆகிய 8 பேர் குக்காகவும், புகழ், பாலா, சரத், சுனிதா, மணிமேகலை, ஷிவாங்கி உள்ளிட்டோர் கோமாளிகளாகவும் பங்கேற்றுள்ளனர்.

நகைச்சுவைக்கு பஞ்சமில்லாமல்

இந்த நிகழ்ச்சி ரசிகர்கள் மத்தியில் நல்ல வரவேற்பை பெற்றுள்ளது. குக்குகளாலும் கோமாளிகளாலும் நகைச்சுவைக்கு பஞ்சமில்லாமல் செல்லும் இந்நிகழ்ச்சி சனி மற்றும் ஞாயிற்றுக்கிழமைகளில் ஒளிபரப்பாகி வருகிறது.

மணிமேகலைக்கு விபத்து

இந்நிலையில் இந்நிகழ்ச்சியில் கோமாளியாக பங்கேற்றுள்ள மணிமேகலை பதிவிட்டுள்ள இன்ஸ்டா பதிவு ரசிகர்களை அதிர்ச்சியடைய செய்துள்ளது. அதாவது தான் விபத்தை சந்தித்ததாக பதிவிட்டுள்ளார் மணிமேகலை.

ஆஸ்பத்திரிக்கு போகாமல்..

அவர் பதிவிட்டிருப்பதாவது, ஆடி காரில் போவது வசதியான வாழ்க்கை இல்லை, ஆஸ்பத்திரிக்கு போகாமல் வாழ்வதே வசதியான வாழ்க்கை.. சமீபத்தில் படிச்சேன், நல்லா இருந்தது. எனக்கு சின்ன விபத்து நடந்தது. ஆனால் இப்போது எல்லாம் சரியாகிவிட்டது.

சுடு தண்ணி தூக்கும்போது

இரண்டு வாரங்களுக்கு குக் வித் கோமாளியையும் மற்ற சில நிகழ்ச்சிகளை ஒரு வாரத்திற்கும் மிஸ் பண்ணுவேன். ஒரு வாரத்தில் திரும்பி விடுவேன். உடம்பை கவனித்துக் கொள்ளுங்கள். பின்குறிப்பு: முக்கியமா சுடு தண்ணி தூக்கும்போது பாத்து தூக்குங்க! என பதிவிட்டுள்ளார்.

குணமாகி வாருங்கள்

மணிமேகலையின் இந்த பதிவை பார்த்த நெட்டிசன்கள், என்ன விபத்து என்று கேட்டு வருவதோடு சீக்கிரம் குணமாகி வாருங்கள் என்றும் அக்கறையுடன் பதிவிட்டு வருகின்றனர்.