சீரியலில் அடித்துக் கொள்ளும் பாக்கியா -ராதிகா.. நேரில் என்ன செஞ்சாங்க தெரியுமா?

பாக்கியலட்சுமி தொடர்

விஜய் டிவியின் நம்பர் ஒன் சீரியலாக பாக்கியலட்சுமி ரசிகர்களை வெகுவாக கவர்ந்து அடுத்தடுத்த விறுவிறுப்பான எபிசோட்களை ஒளிபரப்பி வருகிறது. ரசிகர்களின் நாடித்துடிப்பை உணர்ந்து சிறப்பான காட்சிகளுடன் இந்தத் தொடரை எடுத்து வருகிறார் சீரியலின் இயக்குநர்.

பரபரப்பான எபிசோட்கள்

கோபி -பாக்கியா மற்றும் ராதிகா என லீட் கேரக்டர்களை மையமாக கொண்டு இந்த சீரியல் ஒளிபரப்பாகி வருகிறது. பாக்கியாவை விவாகரத்து செய்துவிட்டு ராதிகாவை இரண்டாவதாக திருமணம் செய்துள்ள கோபி, அடுத்தடுத்த பரபரப்பான செயல்பாடுகளில் ஈடுபட்டுள்ளார். தற்போது எழிலின் செயல்பாட்டால் கோபமடைந்துள்ள கோபி, தன்னுடைய வீட்டை திரும்ப கொடுக்க காலக்கெடு விதித்துள்ளார்.

கோபி மீது எழில் கோபம்

முன்னதாக தன்னுடைய மருமகன் ஜெனியின் வளைகாப்பில் ராதிகாவுடன் சென்று பங்கேற்ற கோபி, குடும்பத்தினரில் வயிற்றெரிச்சலை சம்பாதித்தார். அவருடைய அம்மா, அப்பா மற்றும் பாக்கியா என அனைவரும் மற்றவர்களின் ஏளனத்திற்கு உள்ளானார்கள். இதையடுத்தே எழில் தன்னுடைய அப்பா மீது கோபமடைந்தார்.

கோபியிடம் சண்டை

இதையடுத்து தன்னுடைய கதைகளை விற்று கோபியிடம் இருந்து வீட்டை பெறும் முயற்சியிலும் எழில் ஈடுபட்டுள்ளார். இதுகுறித்து அவரது தாத்தா, கோபியிடம் சண்டை பிடிக்கும் ப்ரமோ வெளியாகி ரசிகர்களை வருத்தப்பட வைத்துள்ளது. தாத்தாவின் பேச்சையடுத்து இனியாவும் இந்த ப்ரமோவில் தன்னுடைய வருத்தத்தை வெளிப்படுத்துகிறார்.

பாக்கியா -ராதிகா வீடியோ

இதனிடையே இந்த சீரியலில் எதிரும் புதிருமாக உள்ள பாக்கியா மற்றும் ராதிகா இருவரும் சூப்பரான வீடியோவை வெளியிட்டுள்ளனர். அவர்கள் இருவரும் இந்த வீடியோவில் பயங்கரமாக லூட்டி அடிக்கின்றனர். எப்போதும் ரேஷ்மா மற்றும் சுசித்ரா இருவரும் சமூக வலைதளங்களில் தனித்தனியாக வீடியோக்களை வெளியிட்டு வருவது குறிப்பிடத்தக்கது.