எனக்கு புறம்பேசும் புத்தி கண்டிப்பாக இருக்கு.. ஒப்புக் கொண்ட மைனா.. பிக்பாஸ் ப்ரமோவில் சுவாரஸ்யம்!

பிக்பாஸ் சீசன் 6 நிகழ்ச்சி

நடிகர் கமல்ஹாசன் தொகுத்து வழங்கும் பிக்பாஸ் சீசன் 6 நிகழ்ச்சி விஜய் டிவியின் முக்கியமான நிகழ்ச்சியாக தொடர்ந்து 5 சீசன்களை முடித்து தற்போது 6வது சீசன் துவங்கப்பட்டுள்ளது. இந்த நிகழ்ச்சியும் தற்போது 50 நாட்களை கடந்து ரசிகர்களுக்கு தினந்தோறும் வித்தியாசமான டாஸ்க்குகளை கொடுத்து வருகிறது. ரசிகர்கள் தினந்தோறும் இரவு 9.30 மணிக்கு இந்த நிகழ்ச்சிகளை கண்டு களித்து வருகின்றனர்.

அடுத்தடுத்த சுவாரஸ்யங்கள்

டிஸ்னி ப்ளஸ் ஹாட்ஸ்டாரிலும் இந்த நிகழ்ச்சி நேரலையாக ஒளிபரப்பி வரும் நிலையில், ரசிகர்களின் ஏகோபித்த ஆதரவுடன் இந்த நிகழ்ச்சி அடுத்தடுத்த போட்டியாளர்களின் எலிமினேஷன், பிரபல யூடியூபர் முத்துவின் வெளியேற்றம் என களைகட்டி வருகிறது. ஒவ்வொரு நாளும் ரூம் போட்டு யோசிப்பார்களோ என அடுத்தடுத்த சண்டைகள், சச்சரவுகள், போட்டிகள், எலிமினேஷன்கள், அடிதடி சண்டைகள் என போட்டி ரசிகர்களுக்கு சுவாரஸ்யத்தை கொடுத்து வருகிறது.

ரசிகர்களின் பதற்றம்

இந்த நிகழ்ச்சியின் முதல் போட்டியாளராக களமிறங்கிய ஜிபி முத்து சிறப்பான பல தருணங்களை ரசிகர்களுக்கு கொடுத்தார். இவருக்காக ஆர்மியும் துவங்கப்பட்டது. ஆனால் இடையிலேயே சொந்தக் காரணங்களுக்காக நிகழ்ச்சியிலிருந்து விலகும் முடிவை இவர் எடுத்த நிலையில், அடுத்ததாக நிகழ்ச்சி எப்படி செல்லுமோ என்ற பதற்றம் ரசிகர்களை ஆட்கொண்டது.

நிகழ்ச்சியை சுவாரஸ்யமாக்கிய கமல்

ஆனால் அவரது இடத்தை அசீம், தனலட்சுமி, ஷிவின் உள்ளிட்டவர்கள் எடுத்துக் கொண்டனர். இவர்களது அடுத்தடுத்த நடவடிக்கைகள் நிகழ்ச்சியை சுவாரஸ்யமாக்கியது. நிகழ்ச்சியிலிருந்து சாந்தி, ராபர்ட் உள்ளிட்டவர்கள் எலிமினேட் ஆன நிலையில், இந்த வாரம் குயின்சியும் எலிமினேட் ஆனார். இதையடுத்து தொடர்ந்து ஹவுஸ்மேட்ஸ்களிடம் பேசினார் கமல்ஹாசன்.

புறம் பேசும் மைனா

இதனிடையே தற்போது வெளியாகியுள்ள நிகழ்ச்சியின் இரண்டாவது ப்ரமோவில் ஹவுஸ்மேட்ஸ் புறம்பேசுபவர்கள் குறித்து பேசினர். இதுகுறித்த கமல்ஹாசனின் கேள்விக்கு பதிலளித்து பேசிய தனலட்சுமி, ஜனனி உள்ளிட்டவர்கள் தங்கள் முன்னால் பாராட்டும் மைனா, பின்னால் சென்று புறம்பேசுவார் என்று தெரிவித்தனர். இதையடுத்து பேசிய மைனா, தனக்கு புறம்பேசும் புத்தி இருப்பதாக தெரிவித்தார்.

அடுத்தடுத்த பரபரப்புகள்

தொடர்ந்து இந்த ப்ரமோவில் பேசிய விக்ரமன் உள்ளிட்டவர்கள் அசீம் இவ்வாறு புறம் பேசுவதாக குறிப்பிட்டனர். இன்றைய தினம் 56வது நாளை எட்டியுள்ள இந்த பிக்பாஸ் சீசன் 6 நிகழ்ச்சியில் தொடர்ந்து அடுத்தடுத்த பரபரப்புகள் காணப்படுகின்றன. வாராவாரம் வரும் கமல்ஹாசனுடம் தன்னுடைய பங்கிற்கு நிகழ்ச்சியில் சுவாரஸ்யத்தை கூட்டி வருகிறார்.