பிக் பாஸ் சீசன் 6க்காக காத்திருக்கும் ரசிகர்கள்... எப்போ துவங்குதுன்னு தெரியுமா?

விஜய் டிவி நிகழ்ச்சிகள்

விஜய் டிவியில் ஒளிபரப்பாகும் அனைத்து நிகழ்ச்சிகளும் ரசிகர்களை வெகுவாக கவர்ந்து வருகின்றன. பிக் பாஸ், குக் வித் கோமாளி, பிக் பாஸ் ஜோடிகள் என அடுத்தடுத்த சிறப்பான நிகழ்ச்சிகளை ரசிகர்களுக்கு விஜய் டிவி தொடர்ந்து கொடுத்து வருகிறது. ரசிகர்களும் தொடர்ந்து இந்த நகிழ்ச்சிகளுக்கு ஆதரவு கொடுத்து வருகின்றனர்.

பிக் பாஸ் நிகழ்ச்சி

இந்த நிகழ்ச்சிகளின்மூலம் மற்ற சேனல்களை காட்டிலும் டிஆர்பியில் மிகவும் சிறப்பாக உள்ளது விஜய் டிவி. குறிப்பாக பிக் பாஸ் நிகழ்ச்சி தற்போது 5 சீசன்களை கடந்து சிறப்பாக ஒளிபரப்பானது. இந்த 5 சீசன்களையும் உலகநாயகன் கமல்ஹாசன் தொகுத்து வழங்கினார். இதுவும் நிகழ்ச்சியின் வெற்றிக்கு முக்கிய காரணமாக அமைந்தது.

பிக்பாஸ் அல்டிமேட் நிகழ்ச்சி

இந்த நிகழ்ச்சியின் வரவேற்பை அடுத்து டிஸ்னி பிளஸ் ஹாட்ஸ்டாரில் இந்த நிகழ்ச்சி நேரலையாக பிக்பாஸ் அல்டிமேட் என்ற பெயரில் 70 நாட்களை கடந்து ஒளிபரப்பானது. ஆனால் இந்த நிகழ்ச்சிக்கு ரசிகர்களிடையே போதிய வரவேற்பு காணப்படவில்லை. தினமும் இரவுவரை காத்திருந்து பிக் பாஸ் வீட்டில் நடக்கும் அட்ராசிட்டிகள், சுவாரஸ்யங்களை பார்க்கவே ரசிகர்கள் அதிகமாக விரும்பினர்.

சிம்பு தொகுத்த பிக்பாஸ் அல்டிமேட்

இந்த பிக்பாஸ் அல்டிமேட் நிகழ்ச்சியிலிருந்து உலகநாயகன் கமல்ஹாசன் இடையிலேயே விலகினார். மீண்டும் பிக்பாஸ் சீசன் 6ல் சந்திக்கலாம் என்றும் அவர் கூறியிருந்தார். தொடர்ந்து நடிகர் சிம்பு நிகழ்ச்சியை தொகுத்து வழங்கினார். இந்நிலையில் தற்போது பிக் பாஸ் சீசன் 6 குறித்த தகவல்கள் வெளியாகியுள்ளன. அடுத்த ஆண்டு ஜூலை இறுதியில் அல்லது ஆகஸ்டில் இந்த நிகழ்ச்சி மீண்டும் துவங்கும் என்று கூறப்பட்டுள்ளது.

யார் தொகுத்து வழங்குவார்கள்?

இந்த நிகழ்ச்சியை மீண்டும் உலக நாயகன் கமல்ஹாசன் தொகுத்து வழங்குவாரா அல்லது சிம்புவே நிகழ்ச்சியை தொடர்வாரா என்ற கேள்வி ரசிகர்களிடையே எழுந்துள்ளது. கமல்ஹாசன் அடுத்தடுத்த தயாரிப்பு மற்றும் நடிப்பை கமிட் செய்து பிசியாக காணப்படுகிறார். சிம்புவும் தனது நடிப்புப் பணியில் மிகவும் பிசியாக இருக்கிறார். இந்நிலையில் இவர்கள் இருவரில் யார் நிகழ்ச்சியை தொகுத்து வழங்குவார்கள் என்பது விரைவில் தெரியவரும்.