Don't Miss!
- News உயிரை கையில புடிச்சுகிட்டு போகவேண்டி இருக்கே! கிளாம்பாக்கம் வாசலில் நடக்கும் திக்.. உடனே கவனிக்கணும்
- Automobiles ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
- Lifestyle சாணக்கிய நீதி படி இந்த 5 விஷயங்களை உங்க மனைவியிடம் நீங்க சொன்னா உங்களால் நிம்மதியாவே வாழ முடியாதாம்...!
- Sports IPL 2024 : ஒரு சம்பவம்.. 3 அணிகளின் சோலியும் முடிஞ்ச்.. அம்பானியை கிண்டல் செய்யும் சிஎஸ்கே ஃபேன்ஸ்!
- Technology வாங்குனா நீதான்.. இயர்பட்ல டால்பி அட்மோஸ்.. ஹெட் டிராக்கிங்.. வயர்லெஸ் சார்ஜிங்.. எந்த மாடல்?
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
விஜய் டிவியில் ஒளிபரப்பாகும் வெந்து தணிந்தது காடு படத்தின் இசை -ட்ரெயிலர் வெளியீடு.. எப்ப தெரியுமா?
சென்னை : நடிகர் சிம்பு -கௌதம் மேனன் கூட்டணியில் வெளியாகவுள்ள படம் வெந்து தணிந்தது காடு. வித்தியாசமான தலைப்புடன் இந்தப் படம் வரும் 15ம் தேதி ரசிகர்களை சந்திக்கவுள்ளது.
இந்தப் படத்தின் இசை மற்றும் ட்ரெயிலர் வெளியீடு இன்றைய தினம் வேல்ஸ் பல்கலைகழக வளாகத்தில் பிரம்மாண்டமாக நடைபெறுகிறது.
இந்த இசை வெளியீட்டில் உலக நாயகன் கமல்ஹாசன், ஏஆர் ரஹ்மான், தமிழக வெளியீட்டு உரிமையை பெற்றுள்ள உதயநிதி உள்ளிட்டவர்கள் கலந்து கொள்கின்றனர்.
“பம்பா பாக்யாவின் குரலில் அவ்ளோ ஆதங்கம் இருந்தது”: பொன்னியின் செல்வன் பாடலாசிரியர் உருக்கம்
வெந்து தணிந்தது காடு படம்
நடிகர் சிம்பு, சித்தி இத்னானி, ராதிகா சரத்குமார் உள்ளிட்டவர்கள் லீட் கதாபாத்திரங்களில் நடித்து வரும் 15ம் தேதி சர்வதேச அளவில் திரையரங்குகளில் ரிலீசாக உள்ள படம் வெந்து தணிந்தது காடு. விண்ணைத் தாண்டி வருவாயா, அச்சம் என்பது மடமையடா உள்ளிட்ட படங்களை தொடர்ந்து சிம்பு -கௌதம் மேனன் கூட்டணி இந்தப் படத்தில் இணைந்துள்ளது.
ரசிகர்கள் எதிர்பார்ப்பு
மாநாடு படத்தின் வெற்றியை தொடர்ந்து சிம்புவின் படங்களுக்கு ரசிகர்களிடையே அதிக எதிர்பார்ப்பு ஏற்பட்டுள்ள நிலையில் இந்தப் படத்திற்கு அதிகமான எதிர்பார்ப்பு நிலவி வருகிறது. படத்தில் வித்தியாசமான கெட்டப்புகளில் சிம்பு காணப்படுகிறார். மேலும் படத்திற்கு ஏஆர் ரஹ்மான் இசையமைத்துள்ள நிலையில், பாடல்களும் முன்னதாக வெளியாகி வரவேற்பை பெற்றுள்ளன.
ஏஆர் ரஹ்மான் இசை
அடுத்ததாக பத்து தல படத்தில் சிம்பு இணைந்துள்ள நிலையில், அந்தப் படத்திற்கும் ஏஆர் ரஹ்மானே இசையமைத்து வருகிறார். இந்தப் படங்களை வேல்ஸ் இன்டர்நேஷனல் தயாரித்துள்ள நிலையில், வெந்து தணிந்தது காடு படத்தின் இசை வெளியீடு இன்றைய தினம் மிகவும் பிரம்மாண்டமாக நடைபெறுகிறது.
கமல்ஹாசன் சிறப்பு விருந்தினர்
உலக நாயகன் சிறப்பு விருந்தினராக பங்கேற்றுள்ள இந்த நிகழ்ச்சியில் ஏஆர் ரஹ்மான், உதயநிதி, கௌதம் மேனன் உள்ளிட்டவர்களும் பங்கேற்கின்றனர். இந்த நிகழ்ச்சியில் ஏஆர் ரஹ்மான் சிறப்பான வகையில் இசைக்கச்சேரி நடத்தவுள்ளார். இந்த நிகழ்ச்சிக்கான முன் ஏற்பாடுகளை படக்குழு சிறப்பாக செய்துள்ளது.
விஜய் டிவியில் ஒளிபரப்பு
இந்நிலையில் மிகவும் பிரம்மாண்டமாக நடைபெறும் இந்த நிகழ்ச்சியை விஜய் டிவி தன்னுடைய சேனலில் ஒளிபரப்பு செய்கிறது. இந்த வாரம் இல்லீங்க. அடுத்தவாரம் 11ம் தேதி பிற்பகல் இந்த நிகழ்ச்சி விஜய் டிவியில் ஒளிபரப்பாக உள்ளது. இது இந்தப் படத்தின் சிறப்பான பிரமோஷனாக அமையும் என்பதில் மாற்றுக் கருத்தில்லை.