இது கண் ஆஸ்பத்திரி கதிரேசா.. விஜய்யின் ‘வாரிசு’ ஃபர்ஸ்ட் லுக் எங்கிருந்து சுடப்பட்டது தெரியுமா?

பெல்ஜியம் ஃபேக்டரி முருகேசா

சன்பிக்சர்ஸ் தயாரிப்பில் இயக்குநர் நெல்சன் இயக்கத்தில் ரஜினிகாந்த் நடிக்க உள்ள தலைவர் 169 படத்துக்கு ஜெயிலர் என டைட்டில் சமீபத்தில் டைட்டில் லுக் போஸ்டருடன் அதிகாரப்பூர்வமாக அறிவிக்கப்பட்டது. அந்த டைட்டில் போஸ்டரை பார்த்த விஜய் ரசிகர்கள் அதன் பேக்கிரவுண்ட் இமேஜ் பெல்ஜியல் ஸ்டீல் ஃபேக்டரியில் இருந்து சுடப்பட்டது என கண்டு பிடித்து போட்டு கலாய்த்தனர்.

வாரிசு ஃபர்ஸ்ட் லுக்

இந்நிலையில், இயக்குநர் வம்சி இயக்கத்தில் விஜய் நடித்துள்ள தளபதி 66 படத்தின் டைட்டில் மற்றும் ஃபர்ஸ்ட் லுக் நேற்று வெளியானது. வாரிசு டைட்டிலை பார்த்ததுமே ரஜினியின் அடுத்த வாரிசு படத்தின் காப்பி என்றும், விஜய் அணிந்துள்ள கோட்டை பார்த்ததும் இது கபாலி கோட் ஆச்சே என்றும் கிண்டல் செய்தனர். அனைத்துக்கும் மேலாக, The Boss Returns எனும் சப் லைனை பார்த்ததும்.. ப்பா. இவன் சிவாஜியையும் விட்டு வைக்கல என கில்லி பிரகாஷ் ராஜ் மீம் டெம்பிளேட்டை போட்டு வெளுத்து வாங்கினர்.

கண் ஆஸ்பத்திரி கதிரேசா

வாரிசு படத்தின் ஃபர்ஸ்ட் லுக் வந்ததும் ரஜினிகாந்த் ரசிகர்கள் சும்மா இருப்பார்களா? பதிலுக்கு திருப்பி செய்யணும் என கூகுளில் அலசி தேடி வாரிசு படத்தின் ஃபர்ஸ்ட் லுக் பேக்கிரவுண்ட் Doheny Eye Institute எனும் கண் மருத்துவமனை என போட்டு பங்கமாக கலாய்த்து வருகின்றனர். போஸ்டர் டிசைனர்கள் கூகுளில் இருந்து தான் பேக்கிரவுண்ட் இமேஜ்களை எடுத்து வருகின்றனர் என்பது புரியாமல் தேவையில்லாமல் ரசிகர்கள் பழிக்கு பழி வாங்கிக் கொள்கின்றனர்.

Varisu Firstlook | Fans Review | Thalapathy Birthday Celebration | *Kollywood

அடுத்த லுக் எந்த இடமோ

மேலும், இரண்டாவது மற்றும் மூன்றாவது வாரிசு லுக் போஸ்டர்களும் விரைவில் வெளியாக உள்ள நிலையில், அவை எங்கிருந்து சுடப்பட்டது என்பதையும் கண்டுபிடித்து போட்டு கதற விட காத்திருக்கின்றனர். அதுமட்டுமின்றி வாரிசு படத்தின் கதை லார்கோ வின்ச் ஆங்கிலப்படத்தின் காப்பி என்றும் ஏகப்பட்ட கதைகளும் வலம் வரத் தொடங்கி விட்டன.