ஆர்என்ஆர் மனோகர் மறைவிற்கு ட்விட்டரில் விஜயகாந்த் இரங்கல்

மனோகரன் மரணம்

சமீபத்தில் டாப் ஹீரோக்கள் நடித்த மாசிலாமணி, மிருதன், கைதி, டெடி உள்ளிட்ட படங்களில் நடித்தார். 61 வயதாகும் மனோகரன் கொரோனாவால் பாதிக்கப்பட்டு, தனியார் மருத்துவமனையில் சிகிச்சை பெற்று வந்துள்ளார். கொரோனா சிகிச்சை முடிந்து குணமடைந்த நிலையில், திடீரென ஏற்பட்ட மாரடைப்பு காரணமாக மனோகரன் உயிரிழந்ததாக கூறப்படுகிறது.

பிரபலங்கள் இரங்கல்

இவரது மறைவிற்கு திரையுலகை சேர்ந்த பலரும் ட்விட்டரில் இரங்கல் தெரிவித்து வருகின்றனர். அரசியல் தலைவர்கள் பலர் நேரில் அஞ்சலி செலுத்தினர். நடிகர்கள் நரேன், சுனைனா, நகுல் உள்ளிட்ட பலரும் ட்விட்டரில் வருத்தம் தெரிவித்து ட்வீட் செய்திருந்தனர். இந்நிலையில் நடிகரும், தேமுதிக தலைவருமான விஜயகாந்த் மனோகரின் மறைவிற்காக ட்விட்டரில் இரங்கல் தெரிவித்து அறிக்கை வெளியிட்டுள்ளார்.

உருகிய விஜயகாந்த்

அதில் அவர், பிரபல நடிகரும், இயக்குனருமான ஆர்.என்.ஆர்.மனோகர் மறைவிற்கு எனது ஆழ்ந்த இரங்கலை தெரிவித்து கொள்கிறேன். நான் நடித்த தென்னவன் உள்ளிட்ட பல படங்களில் எழுத்தாளராகவும், துணை இயக்குனராகவும் அவர் பணியாற்றியுள்ளார்.

குடும்பத்திற்கு இரங்கல்

பழகுவதற்கு இனிமையானவரும், நல்ல நண்பருமான ஆர்.என்.ஆர்.மனோகரின் மறைவு, தமிழ் திரையுலகிற்கு பேரிழப்பு. அவரை இழந்து வாடும் அவரது குடும்பத்தாருக்கு எனது ஆழ்ந்த இரங்கலை தெரிவித்து கொள்கிறேன். அவரது ஆத்மா சாந்தியடைய எல்லாம் வல்ல இறைவனை பிரார்த்திக்கிறேன் இவ்வாறு விஜயகாந்த் குறிப்பிட்டுள்ளார்.