Don't Miss!
- News பாடலுக்கு பாடலாசிரியரும் உரிமை கோரினால் என்ன ஆகும்? இளையராஜா தொடர்ந்த வழக்கில் ஹைகோர்ட் கேள்வி
- Automobiles சிட்ரோன், ஜீப் காரை வாங்கப்போறீங்களா? இப்ப போன பணத்தை மிச்சம் பண்ணலாம்! ஏப்30க்கு பிறகு காஸ்ட்லியாகிடும்!
- Finance சுட்டெரிக்கும் சூரியன்.. உங்க பர்ஸையும் சுடுகிறது..!! ஆர்பிஐ வெளியிட்ட முக்கிய தகவல்..!!
- Technology புதிய கட்டணம்.. அம்பானி போட்ட புது குண்டு.. ஏப்.25 முதல் JioCinema ஆப் முழுசா FREE-ஆ கிடைக்காது!
- Lifestyle Constipation: மலச்சிக்கல் பிரச்சனையில் இருந்து உடனே விடுபடணுமா? இந்த பானங்களை தினமும் குடிங்க..
- Sports IPL 2024: வெட்கத்தை விட்டு சொல்றேன்.. சிஎஸ்கே அணியால் இதை கூட செய்ய முடியலை.. புலம்பிய பிளெம்மிங்
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
கமல்ஹாசன் பிறந்தநாளில் விக்ரம் படத்தின் முக்கிய அப்டேட்டை வெளியிடும் படக்குழு!
சென்னை : நடிகர் கமல்ஹாசன் இப்பொழுது லோகேஷ் கனகராஜ் இயக்கத்தில் விக்ரம் திரைப்படத்தில் நடித்து வருகிறார்.
மலையாள நடிகர் பகத் பாசில் மற்றும் விஜய் சேதுபதி இந்த படத்தில் முக்கிய கதாபாத்திரங்களில் நடிக்கின்றனர்.
யானை படத்தின் சூட்டிங் ஸ்பாட்... உற்சாக புகைப்படம் வெளியிட்ட அருண் விஜய்
விறுவிறுப்பாக நடைபெற்று வரும் விக்ரம் படத்தின் முக்கிய அப்டேட் ஒன்றை கமல்ஹாசனின் பிறந்த நாள் அன்று வெளியிட படக்குழு திட்டமிட்டுள்ளதாக செய்திகள் வெளிவந்துள்ளது.
மூன்று திரைப்படங்களும் வெற்றி
தமிழ் சினிமாவில் மிகச்சிறந்த இளம் இயக்குனராக அனைவரது கவனத்தையும் ஈர்த்து வரும் இயக்குனர் லோகேஷ் கனகராஜ் இயக்கத்தில் இதுவரை வெளியான மூன்று திரைப்படங்களும் வெற்றி பெற்று இப்போது தமிழ் சினிமாவில் முன்னணி இயக்குனர் என்ற அந்தஸ்தை பெற்றுள்ளதோடு இந்திய அளவிலும் பிரபலமான இயக்குனராக மாறியுள்ளார்.
இந்தியிலும் ரீமேக்
மாநகரம் மூலம் தமிழ் சினிமாவில் இயக்குனராக அறிமுகமான லோகேஷ் கனகராஜ் அதைத் தொடர்ந்து கார்த்தியின் நடிப்பில் வெளியான கைதி என்ற பிளாக்பஸ்டர் திரைப்படத்தை இயக்கி தென்னிந்திய அளவில் பிரபலம் அடைந்தார். கைதி இப்பொழுது இந்தியிலும் ரீமேக் செய்யப்படுகிறது. கடைசியாக விஜய் நடிப்பில் வெளியான மாஸ்டர் என்ற படத்தை இயக்கி இருந்தார். மாஸ்டர் திரைப்படம் மிகப் பெரிய வெற்றி பெற்று வசூலை அள்ளியது. தமிழ், தெலுங்கு,மலையாளம், கன்னடம் மற்றும் ஹிந்தி என ஐந்து மொழிகளிலும் மாஸ்டர் வெளியாகி இந்திய அளவில் பிரபலமான இயக்குனராக லோகேஷ் கனகராஜ் மாறியுள்ளார்.
விக்ரம்
ஹாட்ரிக் வெற்றிகளை கொடுத்த இவர் இப்பொழுது தனது கலையுலக குருவான கமல்ஹாசன் ஹீரோவாக நடிக்கும் விக்ரம் திரைப்படத்தை இயக்கி வருகிறார். முற்றிலும் ஆக்சன் கதை களத்தில் உருவாகும் விக்ரம் திரைப்படத்தில் கூடுதலாக மலையாள நடிகர் பகத் பாசில் மற்றும் விஜய் சேதுபதியும் முக்கிய கதாபாத்திரங்களில் நடிக்கின்றனர். கமல்ஹாசன்,விஜய் சேதுபதி, பகத் பாசில் என மிகச் சிறந்த நடிகர்கள் ஒன்றாக இணைந்துள்ள இந்த திரைப்படம் தமிழ் ரசிகர்கள் மத்தியில் அதிக எதிர்பார்ப்பை ஏற்படுத்தியுள்ளது.
டீசரை வெளியிட
முதற் கட்ட படபிடிப்பு முடிவு பெற்றதாக படக்குழு சென்ற மாதம் அறிவித்திருந்தது. அடுத்த அப்டேட் எப்போது வெளியாகும் என ரசிகர்கள் பெரும் ஆவலுடன் காத்துக் கொண்டுள்ளனர். பிரபல நடிகர் ஜெயராமின் மகன் காளிதாஸ் இந்த படத்தில் கமல்ஹாசனின் மகனாக நடிப்பதாக கூறப்படுகிறது மேலும் அவருக்கு ஜோடியாக ஸ்வஸ்திகா கிருஷ்ணன் நடிக்கிறார். கமல்ஹாசனின் ராஜ் கமல் பிலிம்ஸ் இப்படத்தை தயாரித்து வருகிறது அனிருத் இசை அமைக்கிறார். இந்த நிலையில் வரும் நவம்பர் 7ம் தேதி கமல்ஹாசனின் பிறந்த நாளை முன்னிட்டு படக்குழு டீசரை வெளியிட திட்டமிட்டுள்ளதாக கூறப்படுகிறது. இதுகுறித்து அதிகாரப்பூர்வ அறிவிப்பு இன்னும் ஓரிரு தினங்களில் வெளியாகும் என எதிர்பார்க்கலாம்.