Don't Miss!
- Automobiles தயவு செஞ்சு துபாய் பக்கம் வராதீங்க!விமான பயணிகளுக்கு இந்திய தூதரகம் எச்சரிக்கை!
- Lifestyle உங்க வாழ்க்கையில் நீங்க எத அதிகமா விரும்புறீங்கன்னு தெரிஞ்சுக்கணுமா? அப்ப இதுல என்ன தெரியுது சொல்லுங்க..
- Sports 42 வயதில் 311 ஸ்ட்ரைக் ரேட்! டி20 உலககோப்பைக்கு வருகிறாரா தோனி? ஓய்வை ரத்து செய்ய கேட்க போகும் BCCI
- News மக்களை ஒருமையில் பேசிய தேர்தல் அதிகாரி.. அதிரடி காட்டிய நெல்லை கலெக்டர்..வெளியே தள்ளிய போலீஸ்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
உல்லாசம் ரீமேக்: விக்ரம் பிரபு உடன் இணையும் துல்கர் சல்மான்
சென்னை: நடிகர் விக்ரம் பிரபுவும், நடிகர் துல்கர் சல்மானும் உல்லாசம் என்னும் திரைப்படத்தில் இணைந்து நடிக்கப்போவதாக சினிமா வட்டாரத்தில் ஒரு செய்தி உலா வருகிறது. இத்திரைப்படத்தை இயக்கவிருப்பது ஜே.டி-ஜெர்ரி. இப்படம் கடந்த 1997ஆம் ஆண்டில் அஜீத் மற்றும் விக்ரம் இணைந்து நடித்த உல்லாசம் படத்தின் ரீமேக் என்று சொல்லப்படுகிறது. அந்தப்படத்தை இயக்கியதும் ஜே.டி.ஜெர்ரி என்பது குறிப்பிடத்தக்கது.
தமிழ் மற்றும் மலையாளத்தில் வளர்ந்து வரும் நடிகர் துல்கர் சல்மான். துல்கர் எப்போதும் கதைக்கு முக்கியத்துவம் கொடுக்கும் நாயகன். தற்போது அவர் இந்தி சினிமா வரை செல்லப் காரணம் அவரது நடிப்பும் கதைத் தேர்வும் தான்.
தற்போது துல்கர் சல்மானும், பல அதிரடி படங்களை இயக்கிய ரோசன் ஆன்ட்ருஸும் இணைய உள்ளனர். இதில் முதன் முதலாக அதிரடி போலீசாக களம் இறங்குகிறார் துல்கர் சல்மான். ரோசன் ஆன்ட்ருஸ் இதற்கு முன் மும்பை போலீஸ் எனும் ப்ரித்விராஜ் படத்தை இயக்கி உள்ளார்.
மலையாள சினிமாவில் மிக முக்கியமான த்ரில்லர் படங்களில் மும்பை போலீசும் ஒன்று. அது மட்டுமல்லாமல் இவர் எடுத்த அனைத்து படமும் முக்கிய படங்களாக கருதப்படுகிறது. இவர் தமிழில் வெள்ளித்திரை, 36 வயதினிலே ஆகிய படங்களை இயக்கியுள்ளார். துல்கர் சல்மான் கடைசியாக தமிழில் நடிகையர் திலகம் படத்தில் ஜெமினி கனேசன் ரோலில் நடித்திருந்தார். அதற்கு பிறகு விக்ரம் பிரபுவுடன் இணைந்து நடிக்க உள்ளார்.
விக்ரம் பிரபு தமிழ் சினிமாவில் வளர்ந்து வரும் நடிகர். இவர் கும்கி படம் மூலம் தமிழ் சினிமாவில் அறிமுகமானவர். விக்ரம் பிரபுவுக்கு இவன் வேற மாதிரி, அரிமா நம்பி போன்ற படங்கள் வெற்றி பெற, சினிமாவுக்கு வந்த துவக்கத்திலேயே ஆக்சன் ஹீரோவாகா மாறிவிட்டார். இவர் கடைசியாக பக்கா, 60 வயது மாநிறம், துப்பாக்கி முனை போன்ற படங்களில் நடித்திருந்தார்.
ஹீரோயின் டு இயக்குநர்.. ரஜினி பட நாயகியின் அதிரடி மாற்றம்!
தற்போது அசுர குரு மற்றும் வானம் கொட்டட்டும் ஆகிய படங்களில் நடித்து வருகிறார் .வானம் கொட்டட்டும் படத்தை தயாரித்து வருகிறார் பிரபல இயக்குனர் மணிரத்னம்.
இந்நிலையில், விக்ரம் பிரபு-துல்கர் சல்மான் இணைந்து ஜே.டி-ஜெர்ரி இயக்கவிருக்கும் படத்தில் நடிக்க உள்ளனர். இந்தப் படம் 1997ஆம் ஆண்டு அஜீத்-விக்ரம் இணைந்து நடித்து வெளி வந்த உல்லாசம் படத்தின் ரீமேக் என்று நம்பத்தகுந்த வட்டாரங்கள் தெரிவித்துள்ளன.
விக்ரம் கதாபாத்திரத்தில் விக்ரம் பிரபுவும், அஜீத்தின் கதாபாத்திரத்தில் துல்கர் சல்மானும் நடிக்க உள்ளனர் என்ற தகவல் வெளியாகியுள்ளது .இந்த தகவலை படக்குழு உறுதிப்படுத்தும் வரை காத்திருப்போம்.