Don't Miss!
- News ஒரே காரில் 4 ஆண்களுடன் இளம்பெண் பயணம்.. குமரி போலீஸ் கேட்ட கேள்வி.. கேரள இளைஞர்கள் கடும் வாக்குவாதம்
- Technology பொளக்குது விற்பனை.. பட்ஜெட்ல 3D டிஸ்பிளே.. 108MP கேமரா.. 100W சார்ஜிங்.. 4500mAh பேட்டரி.. எந்த மாடல்?
- Finance உங்ககிட்ட கிழிஞ்ச ரூபாய் நோட்டு இருக்கா.. அப்போ கண்டிப்பா இந்த பதிவு உங்களுக்குத்தான்!
- Automobiles இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- Lifestyle Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
10 கெட்டப்.. 4 வேடம்... திகில் காதல்... பட்டையைக் கிளப்ப வரும் "ஐ" விக்ரம்!
சென்னை: ‘ஐ' படத்தில், 10 விதமான தோற்றங்களுடன் 4 வேடங்களில் நடித்து இருக்கிறாராம் விக்ரம்.
பொங்கல் பண்டிகையை ஒட்டி ரிலீசாகிறது ஐ திரைப்படம். பிரம்மாண்டத்துக்குப் பெயர் பெற்ற ஷங்கரின் இயக்கத்தில் விக்ரம், எமி ஜாக்சன் நடித்துள்ள இப்படத்திற்கு ரசிகர்களிடையே எதிர்பார்ப்பு அதிகமாக உள்ளது.
இது தவிர சிவாஜிகணேசனின் மூத்த மகன் ராம்குமார், மலையாள நடிகர் சுரேஷ்கோபி, சந்தானம் ஆகியோரும் இப்படத்தில் முக்கிய வேடங்களில் நடித்து இருக்கிறார்கள். ஏ.ஆர்.ரகுமான் இசையமைத்துள்ளார். பி.சி.ஸ்ரீராம் ஒளிப்பதிவு செய்திருக்கிறார்.
இந்நிலையில், ஐ படத்தில் நடித்த அனுபவம் குறித்து செய்தியாளர்களைச் சந்தித்தார் நடிகர் விக்ரம். அப்போது அவர் கூறியதாவது:-
10 வித தோற்றங்கள்...
‘ஐ' படத்தில், நான் 10 விதமான தோற்றங்களுடனும், 4 வேடங்களிலும் நடித்து இருக்கிறேன். இந்த படத்துக்காக என் உடல் எடையை அதிகரித்தும், குறைத்தும் கடின உழைப்பை தந்திருக்கிறேன்.
காதலும், திகிலும் கலந்தது...
இது, காதலும் திகிலும் கலந்த படம். சினிமாவை நேசிப்பவர்களுக்கு மேலும் நேசத்தை தரும் படமாக இருக்கும்.
வித்தியாசமான படப்பிடிப்பு தளங்கள்...
படப்பிடிப்புக்காக தேர்ந்தெடுக்கப்பட்ட இடங்கள் நிச்சயமாக பேசப்படும். குறிப்பாக சீனா பற்றி குறிப்பிட வேண்டும்.
விமானம் - ரயில்- கார்.. நடராஜா!
அங்கு குறிப்பிட்ட இடங்களுக்கு விமானம் மூலம் சென்று, அங்கிருந்து ரயிலில் பயணம் செய்து, பின்னர் கார்களிலும், நடந்தும் போய் படப்பிடிப்பு தளத்தை அடைந்தோம்.
மிரட்டும் பாடல்கள், சண்டைகள்
ஐ படத்தின் சண்டை காட்சிகளும், பாடல் காட்சிகளும் மிரட்டலாக இருக்கும்.
407 தியேட்டர்களில்...
அமெரிக்காவில் மட்டும் தமிழ், தெலுங்கு, இந்தி ஆகிய 3 மொழிகளில், 407 திரைகளில், ‘ஐ' படம் திரையிடப்படுகிறது' என இவ்வாறு அவர் தெரிவித்தார்.