Don't Miss!
- News தென் சென்னையில் கள்ள ஓட்டு? பாஜக திமுக மாறி மாறி புகார்.. பெரும் பதற்றம்! என்ன நடக்கிறது
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- Automobiles இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
மூன்றே நாளில் பாக்ஸ் ஆஃபிஸ் கப்பலில் மூழ்கிய கோப்ரா: ரசிகர்களிடம் எடுபடாமல் போன விக்ரமின் மேஜிக்
சென்னை: விக்ரம் நடித்துள்ள 'கோப்ரா' திரைப்படம் 31ம் தேதி புதன்கிழமை திரையரங்குகளில் வெளியானது.
அஜய் ஞானமுத்து இயக்கத்தில் பிரம்மாண்டமாக வெளியான 'கோப்ரா' படத்திற்கு முதல் நாளில் நல்ல ஓப்பனிங் கிடைத்தது.
ஆனால், வெளியான மூன்றாவது நாளிலேயே பாக்ஸ் ஆஃபிஸ் வசூலில் மிக மோசமான நிலைமையை சந்தித்துள்ளது கோப்ரா.
முதல் நாளில் தரமான ஓப்பனிங்
அஜய் ஞானமுத்து இயக்கத்தில் விக்ரம், ஸ்ரீநிதி ஷெட்டி, மிருணாள் ரவி, ரோபோ ஷங்கர், இர்ஃபான் பதான், ரோஷன் மேத்யூ நடித்துள்ள 'கோப்ரா', 31ம் தேதி திரையரங்குகளில் வெளியானது. விக்ரம் இரட்டை வேடத்தில் நடித்திருந்த இந்தப் படத்திற்கு முதல் நாளில் செம்மையான ஓப்பனிங் கிடைத்தது. இந்தாண்டு வெளியான அஜித்தின் வலிமை, விஜய்யின் பீஸ்ட், கமலின் விக்ரம் ஆகிய படங்களுக்குப் பின்னர், விக்ரமின் கோப்ரா வசூலில் மாஸ் காட்டியது.
நெகட்டிவ் விமர்சனங்களால் சரிவு
3 ஆண்டுகளுக்குப் பின்னர் விக்ரம் நடித்துள்ள திரைப்படம் திரையரங்குகளில் வெளியாவதால், அவரது ரசிகர்கள் உற்சாகத்தில் இருந்தனர். ஆனால், படத்தில் நல்ல கதை இருந்தும் மோசமான திரைக்கதை, படத்தின் நீளம் போன்றவற்றால் நெகட்டிவான விமர்சனமே கிடைத்தது. இதனால் படத்தின் நீளத்தை குறைத்தது படக்குழு. இரண்டாவது நாளிலேயே சுமார் 20 நிமிடங்கள் வரையிலான காட்சிகள் ட்ரிம் செய்யப்பட்டு வெளியிடப்பட்டது. ஆனாலும், முதல் நாளில் இருந்த வரவேற்பு 2வது நாளில் இல்லையென சொல்லப்படுகிறது.
மூன்றாவது நாளில் மூழ்கிய கோப்ரா
கோப்ரா முதல் நாளில் உலகம் முழுவதும் 25 கோடி ரூபாய் வசூலித்ததாக பாக்ஸ் ஆஃபிஸ் நிலவரங்கள் தெரிவித்தன. ஆனால் 2வது நாளில் இது பாதியாக குறைந்தது. உலகம் முழுக்க 14 கோடிகள் மட்டுமே வசூலித்ததாக சொல்லப்படுகிறது. இந்நிலையில், 3வது நாள் வசூல் இன்னும் மோசமான நிலைக்கு சென்றுள்ளது கோப்ரா படக்குழுவை அதிர்ச்சியில் ஆழ்த்தியுள்ளது. பாக்ஸ் ஆஃபிஸ் நிலவரப்படி, மூன்றாவது நாளில் 2 கோடிக்கும் குறைவாகவே வசூல் கிடைத்துள்ளதாக தெரிகிறது.
எடுபடாமல் போன விக்ரமின் மேஜிக்
கோப்ரா திரைப்படம் முதல் மூன்று நாட்களில் மொத்தமே 40 கோடி வரை மட்டுமே வசூலித்துள்ளதாக தகவல் வெளியாகியுள்ளது. முதல் நாளில் நல்ல ஓப்பனிங் இருந்த கோப்ரா, மூன்றே நாளில் பாக்ஸ் ஆஃபிஸ் கப்பலில் தரை தட்டி நிற்பது படக்குழுவுக்கு ஏமாற்றமாக அமைந்துள்ளது. இரட்டை வேடங்களில் நடித்திருந்த விக்ரம், இன்னும் பல கெட்டப்புகளில் நடித்து மிரட்டியிருந்தார். ஆனாலும், அவரது மேஜிக் எடுபடாமல் போய்விட்டதாக ரசிகர்கள் கருத்து தெரிவித்து வருகின்றனர்.