“விக்ரம்“ தமிழக வசூல் எவ்வளவு தெரியுமா? ரசிகர்களுக்கு ஷாக் கொடுத்த உதயநிதி!

இங்கிலீஸ் படம் போல இருக்கு

விக்ரம் வெற்றி பெற்றதை அடுத்து சென்னையில் விக்ரம் படத்தின் வெற்றி விழா நடைபெற்று வருகிறது. இந்த விழாவில் பேசிய உதயநிதி ஸ்டாலின் விக்ரம் படத்தை முதன் முதலில் பார்த்தது நான் தான் என்றார். படத்தை பார்த்துவிட்டு கமல் சாரிடம், படம் இங்கிலீஸ் படம் போல இருக்கு படம் நிச்சயம் வெற்றி பெரும் என்றேன். ஆனால், இந்த அளவுக்கு வெற்றி பெரும் என்று நினைக்கவில்லை.

7 முறை பார்த்தேன்

விக்ரம் படத்தை சிறியவர்கள் முதல் பெரியவர்கள் வரை தொடர்ந்து மீண்டும் மீண்டும் திரையரங்கிற்கு வந்து பார்த்து வருகிறார்கள். அவ்வளவு ஏன் நானே படப்பிடிப்பை முடித்து விட்டு, ஓய்வு கிடைக்கும் நேரத்தில் விக்ரம் படத்தை பார்க்கிறேன். இதுவரை 7 முறைப்பார்த்து படத்தை பார்த்து விட்டேன் என்றார்.

தமிழக வசூல்

விக்ரம் திரைப்படம் வெளியாகி 3 வாரங்கள் ஆகி உள்ள நிலையில் இதுவரை வசூலாகி உள்ளது ரூ.75 கோடியை தாண்டி போய்கொண்டு உள்ளது. இது வரை எந்த தமிழ் சினிமாவும் இவ்வளவு வசூல் செய்தது இல்லை. வார இறுதி நாட்களான சனி மற்றும் ஞாயிற்றுக்கிழமைகளில் காலை 7 மணிக்கு சிறப்பு காட்சியுடன் ஹவுஸ்புல்லாக ஓடிக்கொண்டு இருக்கிறது. இதனால், வசூல் இன்னும் அதிகரிக்கும் என்றார்.

மகத்தான வசூல்

விக்ரம் திரைப்படம் வரும் திங்கட் கிழமைக்குள் ஓவர்சீஸ் வசூல் மட்டும் ரூ.100 கோடியை செய்துவிடும் என்றும் இதுவரை, வெளியான எந்த ஒரு டாப் நடிகர்களின் திரைப்படமும் இந்தளவிற்கு ஓவர்சீஸ்-ல் வசூல் செய்யவில்லை டிஸ்டிபூட்டர் சஞ்சய் தெரிவித்தார். மேலும் கேரளாவில் 35 கோடி வசூலாகி உள்ளது . இப்படம் உலகம் முழுவதும், இதுவரை ரூ. 317 கோடிக்கு மேல் வசூலித்துள்ளது. இன்னும் வரும் வாரங்களில் அதிகரிக்கும் என்று நம்பப்படுகிறது.