Don't Miss!
- News இரட்டை இலை.. புது சிக்கல்.. விடாமல் துரத்தும் ஓபிஎஸ் டீம்.. தேர்தல் ஆணையத்திற்கு புகழேந்தி அவசர மனு!
- Automobiles பைக் வாங்குவதற்கு பதில் இப்படியொரு காரை வாங்கிடலாம்!! மைலேஜை வாரி வழங்குது... 2024 ஸ்விஃப்ட்!
- Lifestyle கருவுறுதல் பிரச்சினையை குணப்படுத்தணுமா? இந்த சூப்பர்புட்களில் ஒன்றை தினமும் உணவில் சேர்த்துக்கோங்க...!
- Travel தமிழ்நாட்டிலேயே பாதுகாப்பான சுற்றுலாத் தலங்கள் இவை தான் – பெண்களாக, குடும்பங்களாக செல்ல ஏற்ற இடங்கள்!
- Finance பிரேசில் சந்தையில் ரூ.40 கோடிக்கு ஏலம் போன இந்திய பசு.. அடேங்கப்பா, அப்படி என்ன ஸ்பெஷல்..!
- Sports "கப் ஜெயிக்கலை ஆனா தெனாவெட்டு மட்டும்.." கோலி, ஆர்சிபிக்கு எதிராக பொங்கிய கவுதம் கம்பீர்
- Technology iPhone SE 4 இல் OLED டிஸ்பிளே.. Samsung-கிற்கு டேக்கா கொடுத்த ஆப்பிள்.. OLED டிஸ்பிளேவை தயாரிக்க போவது யார்?
- Education நெட் தேர்வு மதிப்பெண் அடிப்படையில் பிஎச்.டி. படிப்பில் சேரலாம்: யுஜிசியின் புதிய அறிவுறுத்தல
என்னது விக்ரம் 20 ரோல்ல நடிக்கிறாரா? வாயை பிளக்க வைக்கும் ’சியான் 58’ அப்டேட்!
சென்னை: அஜய் ஞானமுத்து இயக்கத்தில் விக்ரம் நடித்து வரும் 'சியான் 58' படம் குறித்த அதிரடி அப்டேட் ஒன்று கிடைத்துள்ளது.
தசாவதாரம் படத்தில் நடிகர் கமல்ஹாசன் 10 வேடங்களில் நடித்திருந்த நிலையில், அதற்கு இரு மடங்கு மேலே சென்று 20 வேடங்களில் விக்ரம் இந்த படத்தில் நடித்து வருவதாக ஒரு தகவல் கசிந்துள்ளது.
ஆனால், இதுகுறித்த எந்தவொரு அதிகாரப்பூர்வ தகவலையும் படக்குழு வெளியிடவில்லை.
‘சியான் 58’
டிமான்டி காலனி, இமைக்கா நொடிகள் படத்தை இயக்கிய அஜய் ஞானமுத்து இயக்கத்தில் விக்ரம் நடித்து வரும் 58வது படம் மிகவும் பிரம்மாண்டமாகவும், வித்தியாசமாகவும் உருவாகி வருகிறது. வயாகாம் 18 ஸ்டூயோஸ் மற்றும் 7 ஸ்க்ரீன் ஸ்டூடியோ இணைந்து தயாரித்து வரும் இந்த படம் தமிழ், தெலுங்கு மற்றும் ஹிந்தி மொழிகளில் வெளியாகிறது.
கே.ஜி.எஃப் நாயகி
கடந்த ஆண்டு வெளியான கே.ஜி.எஃப் முதல் பாகத்தில் நாயகியாக நடித்திருந்த ஸ்ரீனிதி ஷெட்டி இந்த படத்தில் விக்ரமுக்கு ஜோடியாக நடித்து வருகிறார். கே.எஸ். ரவிக்குமார், பிரதீப் ரங்கநாதன் கிரிக்கெட் வீரர் இர்ஃபான் பதான் உள்ளிட்ட பலரும் ‘சியான் 58' படத்தில் முக்கிய கதாபாத்திரத்தில் நடித்து வருகின்றனர்.
ஆதித்ய வர்மா
விக்ரம் மகன் ஆதித்ய வர்மா படம் நேற்று ரிலீசானது. அர்ஜுன் ரெட்டியை நேர்மையாக ரீமேக் செய்திருப்பதாகவும், த்ருவ் விக்ரமின் நடிப்பு அபாரம் என்றும் படத்திற்கு பாசிட்டிவ் விமர்சனங்கள் வந்து கொண்டிருக்கின்றன. மகன் படத்தின் ரிலீஸ் புரொமோஷனில் பிசியாக இருந்த விக்ரம், மீண்டும் தனது படத்தின் ஷூட்டிங்கில் கவனம் செலுத்த தொடங்கியுள்ளார்.
20 ரோல்
நவராத்திரி படத்தில் சிவாஜி கணேசன் 9 வேடங்களில் நடித்து அசத்தியிருந்தார். அதனை முறியடிக்கும் வகையில் தசாவதாரம் படத்தில் கமல் 10 வேடங்களில் மிகப்பெரிய முயற்சியை செய்து காட்டினார். இந்நிலையில், 'சியான் 58' படத்தில் விக்ரம் 20 வேடங்களில் நடித்து வருவதாக ஒரு சுவாரஸ்ய தகவல் வெளியாகியுள்ளது.
பயங்கர மோதல்
விக்ரமின் 58வது படமும் அடுத்த ஆண்டு கோடை விடுமுறையில் வெளியாகும் என அறிவிக்கப்பட்டுள்ளது. விஜய்யின் தளபதி 64, சூர்யாவின் சூரரைப் போற்று, அஜித்தின் வலிமை மற்றும் நயன்தாராவின் மூக்குத்தி அம்மன் என பல முன்னணி நடிகர்களின் படங்கள் கோடை விடுமுறையில் வெளியாகவுள்ளதால், தமிழ் சினிமாவில் பயங்கர மோதல் உருவாகும் என எதிர்பார்க்கப்படுகிறது.