Don't Miss!
- Technology புது ரூல்ஸ்.. அமலுக்கு வந்தது.. உடனே ஆதார்ல இதை பண்ணுங்க.. சேமிப்பு கணக்குல வெச்சாச்சு.. என்னென்ன மாறுது?
- News "ரொம்ப தொந்தரவு பண்றீங்க..." வடிவேலுவிடம் டென்ஷனான நபர்.. சட்டென மாறிய முகம்.. அடுத்து என்னாச்சு
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
- Lifestyle World Liver Day 2024: இந்த பழக்கங்கள் இருந்தா உடனே கைவிடுங்க.. இல்லன்னா கல்லீரல் சீக்கிரம் செயலிழந்துவிடும்..
- Sports ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர்
- Automobiles ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
- Finance விப்ரோ லாபத்தில் 8% வீழ்ச்சி.. ஷாக் கொடுத்த மார்ச் காலாண்டு முடிவுகள்..!!
- Travel இங்க போறது கொஞ்ச கஷ்டம் தான் – ஆனா வொர்த்! அப்படி ஒரு இயற்கை அழகுகுங்க
டைகர் விருது பெற்ற கூழாங்கல்...படம் பற்றி டைரக்டர் வினோத்ராஜ் ஓப்பன் டாக்
சென்னை : புதுமுக இயக்குனரான பி.எஸ்.வினோத்ராஜ் இயக்கிய கூழாங்கல் படம் 50 வது ரோட்டர்டம் திரைப்பட திருவிழா 2021 ல் கவுரவம் மிக்க டைகர் விருதினை பெற்றுள்ளது. டைகர் விருது பெறும் முதல் தமிழ் படம் இது தான்.
விருது வென்றதை பற்றி வினோத் ராஜ் கூறுகையில், இந்த அங்கீகாரத்தால் நாங்கள் மிகவும் மகிழ்ச்சி அடைந்திருக்கிறோம். திருவிழாவில் நடுவர் மற்றும் பார்வையாளர்கள் மிக ஆர்வமுடன் கூழாங்கல்லை பார்த்திருப்பார்கள் என தெரியும்.
வழக்கமாக பார்வையாளர்களின் கருத்தினை கேட்க படக்குழுவை சேர்ந்த சில உறுப்பினர்கள் மட்டும் அந்த நாட்டிற்கு செல்வார்கள். ஆனால் கொரோனா பேரிடர் காலம் என்பதால் அந்த வாய்ப்பை நாங்கள் இழந்து விட்டோம். இருப்பினும் இந்த சாதனை மகிழ்ச்சி அளிக்கிறது.
எங்கள் குடும்பத்தில் நடந்த ஒரு சம்பவம் தான் இந்த படத்தை இயக்க என்னை தூண்டியது. அந்த சம்பவம் எனக்குள் மிகப் பெரிய தாக்கத்தை ஏற்படுத்தியது. கதைக்கு தேவையான வறண்ட நிலப்பரப்பை தேட அதிக நேரம் செலவிட்டேன்.
கடைசியாக மதுரை மாவட்டம் மேலூர் அருகிலுள்ள அரிட்டாப்பட்டியில் அப்படி ஒரு இடத்தை கண்டுபிடித்தேன். அங்கு மொத்த படத்தையும் 30 நாட்களுக்கும் மேலாக படமாக்கினோம். நாங்கள் படம்பிடித்த 13 கிராமங்களில் இருந்த மலைகள் ஆயிரம் ஆண்டுகள் பழமையானவை.நாங்கள் அந்த கிராமங்களை ஆராய்ந்த போது எனது கதையும் கூட வளர்ந்தது.
அங்கிருந்த ஈரமான வானிலை தான் எங்களுக்கு மிகுந்த சவாலாக அமைந்தது. சூரிய ஒளி தான் கதைக்கு மிகவும் முக்கியம். அதனால் தினமும் 10 மணிக்கு பிறகு தான் படப்பிடிப்பை துவக்கி, 3 மணிக்கு முடித்து விடுவோம்.
இசையமைப்பாளர் யுவன் சங்கர் ராஜா, தயாரிப்பாளர்களான நயன்தாரா, விக்னேஷ் சிவன் போன்ற பெரிய பெயர்கள் இந்த படத்திற்கு கூடுதல் பலம். இன்னும் பல திரைப்பட விழாக்களில் இப்படத்தை திரையிட திட்டமிட்டுள்ளோம் என்றார்.
இந்த ஆண்டு இறுதியில் தியேட்டர்களிலும் இப்படத்தை திரையிட படக்குழு திட்டமிட்டுள்ளது.