விபத்தில் சிக்கிய இசையமைப்பாளர் மரணம்: கணவர், மகள் இறந்தது தெரியாமல் இருக்கும் மனைவி

குழந்தை

திருவனந்தபுரத்திற்கு அருகே உள்ள பள்ளிபுரத்தில் வந்தபோது கார் மரத்தின் மீது மோதியதில் அதில் இருந்த பாலபாஸ்கர், அவரின் மனைவி லக்ஷ்மி ஆகியோர் படுகாயம் அடைந்தனர். டிரைவர் அர்ஜுனுக்கு லேசான காயம் ஏற்பட்டது. பாலபாஸ்கரின் மகள் தேஜஸ்வினி உயிர் இழந்தார். பாலபாஸ்கருக்கு திருமணமாகி 16 ஆண்டுகள் கழித்து பிறந்தவர் தேஜஸ்வினி.

சிகிச்சை

படுகாயம் அடைந்த பாலபாஸ்கர் மற்றும் லக்ஷ்மி திருவனந்தபுரத்தில் உள்ள அனந்தபுரி மருத்துவமனையில் அனுமதிக்கப்பட்டனர். 7 நாட்களாக உயிருக்கு போராடி வந்த பாலபாஸ்கருக்கு இன்று அதிகாலை மாரடைப்பு ஏற்பட்டது. இதையடுத்து அவர் உயிர் இழந்தார். அவரின் மனைவி லக்ஷ்மிக்கு இன்னும் சுயநினைவு திரும்பவில்லை. குழந்தையும், கணவரும் இறந்த விஷயம் லக்ஷ்மிக்கு இன்னும் தெரியாது.

அறுவை சிகிச்சை

பாலபாஸ்கருக்கு தலை மற்றும் முதுகெலும்பில் படுகாயம் ஏற்பட்டது. பல அறுவை சிகிச்சைகள் செய்தார்கள். பல உறுப்புகள் செயல் இழந்தது. செயற்கை சுவாசம் பொருத்தப்பட்டது. உடலில் பல்வேறு இடங்களில் காயம் அடைந்துள்ள லக்ஷ்மிக்கும் செயற்கை சுவாசம் பொருத்தப்பட்டுள்ளது. அவர் நிலைமை சீராக உள்ளது.

தூக்கம்

அதிகாலை நேரத்தில் டிரைவர் அர்ஜுன் தூங்கியதால் தான் இந்த விபத்து ஏற்பட்டதாக கூறப்படுகிறது. 12 வயதில் இசைப் பயணத்தை துவங்கிய பாலபாஸ்கர் 40 வயதில் மரணம் அடைந்துள்ளது மலையாள திரையுலகினரை கவலை அடைய வைத்துள்ளது. பிரபலங்கள் தங்களின் ஆழ்ந்த இரங்கலை தெரிவித்துள்ளனர்.