கார்த்தியின் ‘விருமன்‘ ரிலீஸ் எப்போ தெரியுமா ?.. எதிர்பார்ப்பில் ரசிகர்கள் !

விருமன்

கொம்பன், மருது, புலிக்குத்தி பாண்டி, தேவராட்டம் போன்ற படங்களை இயக்கியதன் மூலம் பிரபலமானவர் முத்தையா. இவர் இயக்கத்தில் தற்போது உருவாகி உள்ள திரைப்படம் விருமன். கார்த்தி ஹீரோவாக நடித்துள்ள இப்படத்தில் அவருக்கு ஜோடியாக அதிதி நடித்துள்ளார். விருமன் படத்திற்கு யுவன் சங்கர் ராஜா இசையமைத்துள்ளார். செல்வகுமார் ஒளிப்பதிவு செய்துள்ளார். இப்படத்தின் ஃபர்ஸ்ட் லுக் போஸ்டர் பொங்கல் பண்டிகைக்கு வெளியாகி பலரின் வரவேற்பை பெற்றது.

குடும்ப கதை

கிராமத்து கதை அம்சம் கொண்ட இப்படத்தில் குடும்பம் மற்றும் உறவுகளின் முக்கியத்துவம் பற்றி அழகாக கூறப்பட்டுள்ளது. இத்திரைப்படம் தென்தமிழகத்தைச் சுற்றி படமாக்கப்பட்டுள்ளது. அதிதி சங்கர் இந்த திரைப்படத்தில் தேன்மொழி என்ற கதாபாத்திரத்தில் தைரியம் மிகுந்த பாசக்கார பெண்ணாக நடித்துள்ளார். விருமன் படத்தை சூர்யாவின் 2டி எண்டர்டெயின்மெண்ட் நிறுவனம் தயாரித்துள்ளது.

விரைவில் ரிலீஸ்

இந்நிலையில்,விருமன் ரிலீஸ் தேதி குறித்த தகவல் வெளியாகி உள்ளது. தொடர்ந்து பிரம்மாண்ட படங்களும்,முன்னணி நடிகர்களின் படங்களும் வெளிவந்த வண்ணம் உள்ளதால், விருமன் ரிலீஸ் தேதி பற்றி முடிவு செய்யவில்லை என்றும், ஜூலை மாதம் ரிலீஸ் செய்ய படக்குழு திட்டமிட்டுள்ளதாகவும் கூறப்படுகிறது.

கொஞ்சம் பிஸி

கார்த்தி தற்போது வரலாற்று சிறப்பு மிக்க பொன்னியின் செல்வன் திரைப்படத்தில் நடித்து முடித்துள்ளார். இத்திரைப்படம் செப்டம்பரில் வெளியாக உள்ளது. மேலும், சர்தார் படத்தில் நடித்து வருகிறார். அதேபோல் இயக்குனர் முத்தையாவும் தனது அடுத்த படத்தின் ஆரம்பக்கட்ட பணிகளை தொடங்கி உள்ளார். நடிகை அதிதி ஷங்கர் அடுத்ததாக கொரோனா குமார் படத்தில் சிம்புவுக்கு ஜோடியாக நடிக்க உள்ளதாக கூறப்படுகிறது.