முகப்பு

செய்திகள்

சென்னை: மறைந்த மக்கள் ஜனாதிபதி அப்துல் கலாமிற்கு அஞ்சலி செலுத்தும் பாடலை வெளியிட்ட "கோ 2" குழு தற்போது மற்றொரு சீக்ரெட் பாடல் பற்றிய செய்தியையும் வெளியிட்டு ரசிகர்களை மகிழ்ச்சியில் ஆழ்த்தியுள்ளது. அதுதான் கோ 2 வில் விஷால் டட்லானி பாடுகின்றார் என்ற செய்தி.

இப்படத்தின் இசையமைப்பாளர் லியோன் ஜேம்ஸ், பாடகர் விஷால் கோ 2 படத்தில் ஒரு பாடலை பாடி உள்ளார் என்று தெரிவித்துள்ளார்.

"வா வா வா...வேட்டையாட" என்று தொடங்கும் இப்பாடலை கடந்த வாரம் மும்பையில் பதிவு செய்துள்ளனர்.

தூக்கி நிறுத்தும் காட்சி:

இதுகுறித்து படத்தின் இயக்குனர் சரத், "இந்த படத்தினை தூக்கி நிறுத்தும் ஒரு இக்கட்டான காட்சியில் இப்பாடல் வர உள்ளது. பத்திரிக்கையாளரான கதாநாயகனுக்கான பாட்டாக இது பின்னணியில் ஒலிக்க உள்ளது.

ஸ்பெஷல் வாய்ஸ் தேவை:

இதற்காக ஒரு ஸ்பெஷலான வாய்ஸ் தேவைப்பட்டது. எலக்ட்ரானிக் சத்தத்துடன் ராக் பாடலாக இது வந்துள்ளது. கவிஞர் நா.முத்துக்குமார் இப்பாடலை எழுதியுள்ளார்" என்று தெரிவித்துள்ளார்.

விரைவில் திரையில்:

விரைவில் வெளியாக இருக்கின்ற இப்படத்தில் நடிகர் பாபி சிம்ஹா கதாநாயகனாகவும், நிக்கி கல்ராணி கதாநாயகியாகவும் நடித்துள்ளனர். நடிகர் பிரகாஷ்ராஜூம் முக்கிய கதாபாத்திரத்தில் நடித்துள்ளார் என்பது குறிப்பிடத்தக்கது.

வணக்கம் சென்னை பாடல்:

விஷால் டட்லானியைத் தெரியாதவர்களுக்கு.. இவர்தான் "வணக்கம் சென்னை" பாடலை அனிருத்துடன் பாடியவர் என்பது குறிப்பிடத்தக்கது.