வெளியானது விஷால்-அனிஷா நிச்சயதார்த்த புகைப்படங்கள்.. அட, இவங்க எல்லாம் போயிருக்காங்களே!

விஷால் நிச்சயதார்த்தம்:

இவர்களது திருமண நிச்சயதார்த்தம் இன்று ஹைதராபாத்தில் நடைபெற்றது. இதில் நெருங்கிய உறவினர்களும், நண்பர்களும் கலந்து கொண்டனர். வரும் ஆகஸ்ட் மாதம் விஷால் -அனிஷா திருமணமும் நடைபெறும் எனத் தெரிகிறது.

நடிகர் சங்க நிர்வாகிகள்:

இந்த திருமண நிச்சயதார்த்தத்தில் தமிழ் திரையுலகைச் சேர்ந்த பலர் கலந்து கொண்டனர். குறிப்பாக நடிகர் சங்க நிர்வாகிகள் பலரை இந்த நிச்சயதார்த்த நிகழ்ச்சியில் பார்க்க முடிந்தது.

மணமக்கள் உடை:

இது தொடர்பாக வெளியாகியுள்ள புகைப்படங்களில் மனோபாலா, குட்டி பத்மினி, லலிதாகுமாரி, சவுந்தர்ராஜன், ஸ்ரீமன் உள்ளிட்டோர் உள்ளனர். மணமகன் விஷால் கருநீல நிற உடையிலும், மணமகள் அனிஷா சந்தன நிற உடையிலும் உள்ளனர்.

அழகோ அழகு:

புகைப்படங்களில் அதிக ஆடம்பரமாக நகைகள் அணியாமல் எளிமையாக, அதே சமயத்தில் அழகாக காட்சியளிக்கிறார் அனிஷா. நிச்சயதார்த்தத்தின் ஒரு பகுதியாக இருவரும் மோதிரம் மாற்றிக் கொண்டனர். அந்த புகைப்படங்களும் வெளியாகியுள்ளது.