Don't Miss!
- Sports IPL 2024 : ருதுராஜ் செய்த தவறு.. தவித்துப் போன சிஎஸ்கே.. LSG vs CSK போட்டியில் என்ன நடந்தது?
- News இன்று நாடு முழுக்க 60% வாக்குப்பதிவு.. நாகாலாந்தில் 6 மாவட்டத்தில் ஜீரோ வாக்குகள் பதிவு! என்ன காரணம்
- Lifestyle தளர்ந்து போன சருமத்தை இறுக்கமாக்கி ஜொலிக்கிற மாதிரி மாத்த ஆசைப்படுறீங்களா? இந்த இயற்கை பொருட்களை யூஸ் பண்ணுங்க
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Technology ஆத்தாடி.. ஒரே போனை வைத்து.. இந்தியாவில் சம்பவம் செய்ய பார்க்கும் Samsung.. பட்ஜெட்ல அறிமுகமாகும் புது Mobile..
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
- Automobiles ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
விஷால் பட பிரச்சனை.. தாமதமாக ரிலீஸான ஸ்ருதி ஹாசன் படம்.. ரசிகர்களுக்கு நன்றி சொன்ன ஹீரோ!
சென்னை: விஷால் நடித்த படத்தின் பிரச்சனை காரணமாக, ஸ்ருதிஹாசன் நடித்த படத்தின் ரிலீஸ் தாமதமானது.
நடிகை ஸ்ருதிஹாசன் தெலுங்கில் நடித்துள்ள படம், க்ராக். இதில் ரவிதேஜா ஹீரோவாக நடித்துள்ளார்.
பிறந்த நாளும் அதுவுமா.. கால் டாக்ஸி டிரைவராகும் ஐஸ்வர்யா ராஜேஷ்.. 3 மொழிகளில் பிரம்மாண்டம்!
வரலட்சுமி சரத்குமார், சமுத்திரகனி, ரவிசங்கர் உட்பட பலர் நடித்துள்ளனர். இதை கோபிசந்த் மலினேனி இயக்கி உள்ளார்.
மே மாதம் ரிலீஸ்
இவர் இதற்கு முன் ரவிதேஜா நடிப்பில் டான் சீனு, பலுப்பு ஆகிய படங்களை இயக்கியவர். தாகூர் மது தயாரித்துள்ள இந்தப் படத்துக்கு தமன் இசை அமைத்துள்ளார். ஜி.கே. விஷ்ணு ஒளிப்பதிவு செய்துள்ளார். இந்தப் படம் மே மாதம் ரிலீஸ் ஆவதாக இருந்தது. கொரோனா காரணமாக தள்ளிப் போனது.
ரசிகர்கள் எதிர்பார்ப்பு
இந்நிலையில், நேற்று (ஜனவரி 9) ஆம் தேதி படம் வெளியாவதாக அறிவிக்கப்பட்டு இருந்தது. கொரோனா பரவலுக்கு பிறகு தியேட்டரில் வெளியாகும் முதல் பெரிய ஹீரோ படமாக இது இருந்தது. இதனால் ஆந்திரா மற்றும் தெலங்கானாவில் ரசிகர்கள் எதிர்பார்ப்புடன் காத்திருந்தனர்.
ரிலீஸ் ஆகவில்லை
ஆனால், திட்டமிட்டபடி நேற்று காலை படம் ரிலீஸ் ஆகவில்லை. தயாரிப்பாளருக்கு ஏற்பட்டுள்ள பண நெருக்கடி காரணமாக காலை மற்றும் மதியக் காட்சிகள் ரத்து செய்யப்பட்டன. பின்னர் நேற்று மாலை படம் ரிலீஸ் ஆனது. இதற்கான காரணம் என்ன என்று விசாரித்தபோது விஷால் நடித்த படம்தான் காரணம் எனக் கூறப்பட்டது.
டெம்பர் ரீமேக்
விஷால், ராஷி கண்ணா நடித்து, கடந்த 2019 ஆம் ஆண்டு வெளியான படம், அயோக்யா. இது தெலுங்கில் வெளியான டெம்பர் படத்தின் ரீமேக். இதை தயாரித்தவர் தாகூர் மது. இந்த படம் கடைசி நேரத்தில் பைனான்ஸ் சிக்கலில் நின்றது. இதற்காக ஸ்கிரீன் சீன் நிறுவனத்திடம் ரூ.5 கோடி கடன் பெற்று படத்தை ரிலீஸ் செய்தார்.
நீதிமன்றம் தடை
அந்தப் பணத்தை அவர் திருப்பித் தராததால், ஸ்கிரீன் சீன் நிறுவனம் 'க்ராக்' படத்துக்குத் தடை கேட்டு நீதிமன்றம் சென்றது. தடை விதித்து நீதிமன்றம் உத்தரவு பிறப்பித்ததை அடுத்து, அந்த உத்தரவை க்யூப் நிறுவனத்துக்கு ஸ்கிரீன் சீன் அனுப்பி வைத்ததால் படம் ரிலீஸ் ஆகவில்லை. பின்னர் பிரச்சனை பேசி முடிக்கப்பட்டு ரிலீஸ் ஆகியுள்ளது.
ரசிகர்களுக்கு நன்றி
இதுபற்றி ட்விட்டரில் கூறியுள்ள ரவிதேஜா, அனைத்து பிரச்சனைகளும் முடிக்கப்பட்டு படம் ரிலீஸ் ஆகிறது. அமைதி காத்த ரசிகர்களுக்கு நன்றி.இந்தப் படம் மிரட்டலாக இருக்கும் என நம்புகிறேன் என்று கூறியுள்ளார்.இதற்கிடையே இந்தப் படம் ஆன்லைனில் திருட்டுத்தனமாக வெளியாகி இருப்பது,படக்குழுவை அதிர்ச்சியடைய வைத்திருக்கிறது.