‘சக்ரா‘ டீஸர் விரைவில்..விஷாலின் கால சக்கரத்தை மாற்றுமா .. ரசிகர்கள் ஆர்வம் !

விரைவில் டீசர்

இப்படத்தின் படப்பிடிப்பு சென்னை மற்றும் கோயம்புத்தூர் பகுதிகளில் நடத்தப்பட்டது. இப்படம் விஷால் ரசிகர்களுக்கு மட்டுமல்லாது, அனைவரின் கண்களுக்கும் விருந்தாக அமையும் என்றும் கூறப்படுகிறது. டீஸர் வெற்றி பெற வேண்டும் என்று படத்தின் பிரத்யேக ஷாட்ஸ் செலக்ட் செய்து எடிட்டிங் செய்கிறார்கள்.

ஸ்ருஷ்டி டாங்கே

படத்தின் இரண்டு முக்கிய கதாபாத்திரங்களில் ஸ்ரதாவும் ஸ்ரூஷ்டியும் நடிக்கிறார்கள். பல் வேறு வெற்றி படங்களில் நடித்த இவர்கள் இந்த படத்தில் ஒன்று சேர்ந்து முதல் முறையாக நடிக்கிறார்கள். பல விதமான நவீன உடைகள் உடுத்தி ரசிகர்களை ஆச்சர்யப்படுத்தி இருக்கிறார்கள். படத்தின் கதையில் மிக அதிகமான சஸ்பென்ஸ் காட்சிகள் இருப்பதினால் மிகவும் மெனக்கெட்டு பல பயிற்சிகளை மேற்கொண்டு உள்ளனர்.

காமெடி போலீஸ்

படத்தின் ஸ்வாரஸ்யத்தை கூட்ட நகைச்சுவையுடன் சீரியஸ் கதாபாத்திரங்களை செய்வதில் கெட்டிக்காரராக இருக்கும் ரோபோ ஷங்கர் இந்த படத்தில் நடித்து இருக்கிறார். நிறைய காட்சிகளில் போலீஸ் உடையில் வந்து அமுளி துமிளி செய்கிறார் ரோபோ. படத்தின் திரை கதை ஓட்டத்துக்கு கண்டிப்பாக இவரும் ஒரு முக்கிய பலம் என்றே சொல்லலாம்.

வெற்றியை கொடுக்கும்

சமீப காலங்களில் விஷால் பல் வேறு சிக்கல்களை சந்தித்து வரும் சூழலில் இந்த படம் கண்டிப்பாக வெற்றி பெற வேண்டும் என்ற கட்டாயத்தில் இருக்கிறார். அவரது ரசிகர்களும் இந்த படத்தின் மீது அதிகம் நம்பிக்கை வைத்து உள்ளனர். அரசியல், தேர்தல், சங்கம் என்று பல விஷயங்களுக்கு நடுவில் இந்த படத்தின் வெற்றி தான் விஷாலின் எல்லா முயற்சிகளையும் திரும்பி பார்க்க வைக்கும் என்று அவரது நெருங்கிய நலம் விரும்பிகள் சொல்லி வருகிறார்கள். விஷாலின் கால சக்கரத்தில் இந்த சக்ரா நல்ல வெற்றியை கொடுக்கும் என்று நம்புவோம் .