Don't Miss!
- News மாஸ் காட்டிய சென்னைவாசிகள்! 40 ஆண்டுகள் இல்லாத அளவுக்கு வாக்குப்பதிவு! 1980க்கு பிறகு இதுதான் அதிகம்
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- Automobiles இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
வழிவிட்ட பெரிய பட்ஜெட் படங்கள்... பொங்கல் ரிலீசுக்கு தயாராகும் விஷால், சசிக்குமார் படங்கள்
சென்னை : தமிழகத்தில் ஓமிக்ரான், கொரோனா உள்ளிட்டவை மீண்டும் தலைத்தூக்கியுள்ள நிலையில், 50 சதவிகித ரசிகர்களுடன் திரையரங்குகள் செயல்பட அனுமதிக்கப்பட்டுள்ளது.
இதையடுத்து பொங்கலுக்கு வெளியாக இருந்த வலிமை, ராதே ஷ்யாம் மற்றும் ஆர்ஆர்ஆர் படங்களின் ரிலீஸ் தள்ளி வைக்கப்பட்டுள்ளது.
தொடர்ந்து சிறிய பட்ஜெட் படங்கள் பொங்கல் ரேசில் பங்கேற்க தயாராகி வருகின்றன.
பொங்கல் பண்டிகை
தீபாவளி, பொங்கல் பண்டிகைகளில் சிறப்பான பல படங்கள் குறிப்பாக பெரிய நடிகர்களின், பெரிய பட்ஜெட் படங்கள் ரிலீசாவது வழக்கம். இவர்களுக்கு எந்த விதமான அறிமுகமும் தேவையில்லை என்றாலும் இத்தகைய பண்டிகைகளை இவர்களது படங்கள் பிடித்து விடுகின்றன.
நீண்ட நாள் கோரிக்கை
இந்த பண்டிகைகளின்போது சிறிய பட்ஜெட் படங்களை ரிலீஸ் செய்தால், அந்தப் படங்களுக்கு சிறப்பான வரவேற்பு கிடைக்கும் என்பது நீண்ட கால கோரிக்கையாக உள்ளது. ஏனென்றால் பெரிய நடிகர்களின் படங்கள் வெளியாவது ரசிகர்களுக்கு திருவிழா கொண்டாட்டத்தை சாதாரணமாக கொடுத்துவிடும்.
விலகிய பெரிய பட்ஜெட் படங்கள்
இந்நிலையில் தற்போது ஓமிக்ரான் மற்றும் கொரோனா காரணமாக பெரிய பட்ஜெட் மற்றும் பெரிய ஹீரோக்களின் படங்கள் பொங்கல் பந்தயத்தில் இருந்து விலகியுள்ளன. காரணம் எதுவாக கூறப்பட்டாலும் திரையரங்குகளில் 50 சதவிகித ரசிகர்களுக்கு மட்டுமே அனுமதி என்பது முக்கிய காரணம்.
ரிலீஸ் தேதி தள்ளிவைப்பு
இந்நிலையில் அஜித்தின் வலிமை, பிரபாசின் ராதே ஷ்யாம், மற்றும் ராம்சரண், ஜுனியர் என்டிஆர் நடிப்பில் ராஜமௌலி இயக்கியுள்ள ஆர்ஆர்ஆர் படங்களின் ரிலீஸ் இத்தகைய கட்டுப்பாடுகளை அடுத்து தள்ளி வைக்கப்பட்டுள்ளன.
ரிலீசுக்கு தயாராகும் சிறிய பட்ஜெட் படங்கள்
இந்நிலையில் அந்த இடத்தில் தற்போது சிறிய பட்ஜெட் படங்கள் புகுந்துள்ளன. இதில் விஷாலின் வீரமே வாகை சூடும் படம் முதலிடத்தில் உள்ளது. தொடர்ந்து சசிக்குமார் நடிப்பில் நீண்ட நாட்களாக ரிலீசாகாமல் உள்ள கொம்பு வச்ச சிங்கம்டா படமும் பொங்கல் பந்தயத்தில் பங்கேற்கவுள்ளதாக அறிவிக்கப்பட்டுள்ளது.
லைன் கட்டும் படங்கள்
மேலும் சதீஷ் ஹீரோவாக நடிக்கும் நாய் சேகர் படமும் பொங்கலுக்கு ரிலீசாக உள்ளது. விதார்த்தின் கார்பன் மற்றும் குக் வித் கோமாளி புகழ் அஸ்வினின் என்ன சொல்ல போகிறாய் படங்களும் லைன் கட்டியுள்ளன. பொங்கலுக்கு இன்னும் சில தினங்கள் உள்ள நிலையில் மேலும் சில படங்களும் இந்த பந்தயத்தில் இணைய வாய்ப்புள்ளது.
Recommended Video
வலிமை ரிலீசாக வாய்ப்பு?
இதனிடையே, ஓமிக்ரான் பரவலில் மாற்றங்கள் ஏற்பட்டு மீண்டும் திரையரங்குகளில் 100 சதவிகித பார்வையாளர்கள் அனுமதிக்கப்பட்டால் மீண்டும் வலிமை படம் ரிலீசாகவும் வாய்ப்புள்ளதாக கூறப்படுகிறது. இந்த பட்டியலில் மற்ற பெரிய பட்ஜெட் படங்களும் இணையலாம்.