விஷால்- சுசீந்திரன் படத் தலைப்பு காவல் கோட்டம்

விஷாலும் சுசீந்திரனும் இணையும் அடுத்த படத்துக்கு காவல் கோட்டம் என்று தலைப்பு வைத்துள்ளனர்.

பாண்டிய நாடு படத்துக்குப் பிறகு விஷாலும் சுசீந்திரனும் மீண்டும் இணைகின்றனர். இந்தப் படத்தில் விஷால் ஜோடியாக காஜல் அகர்வால் நடிக்கிறார்.

காஜல் அகர்வால்

மதுரையை கதைக்களமாக கொண்டு இப்படம் உருவாகி வருகிறது.

இப்படத்திற்கு தலைப்பு வைக்காமலேயே படப்பிடிப்பு தொடங்கி நடந்துவந்தது.

தற்போது ‘காவல் கோட்டம்' என்ற தலைப்பை தேர்வு செய்துள்ளதாக தகவல்கள் வெளியாகியுள்ளன. இந்தப் படத்திலும் போலீஸ் அதிகாரியாக நடிக்கிறார் விஷால்.

சமுத்திரகனி விஷாலின் அண்ணனாக நடிக்கிறார். டி.இமான் இசையமைக்கும் இப்படத்தை வேந்தர் மூவிஸ் பிரம்மாண்டமாக தயாரிக்கிறது.

இந்த ஆண்டு மத்தியில் படத்தை வெளியிடும் வகையில் வேலைகளை திட்டமிட்டு செய்து வருகின்றனர்.