கோர்ட் உத்தரவுக்காக காத்திருக்கும் விஷால் திருமணம்.. ஜி.கே.ரெட்டி பேட்டியால் ரசிகர்கள் ஷாக்!

விஷால் திருமணம்

நடிகர் சங்கக் கட்டிடத்தில் வைத்து தான் திருமணம் செய்து கொள்வேன் என விஷால் அடம் பிடிப்பதாகவும், அதற்கு மணப்பெண் வீட்டில் சம்மதிக்கவில்லை என்றும் தகவல்கள் வெளியானது. இதனால் அவர்களது திருமணம் பாதியிலேயே நின்று விட்டதாகக் கூறப்பட்டது. ஆனால் இது தொடர்பாக இருதரப்பும் அதிகாரப்பூர்வமாக எதுவும் அறிவிக்கவில்லை.

விஷால் அப்பா பேட்டி

இந்நிலையில், தமயந்தி பட விழாவில் கலந்து கொண்ட விஷாலின் தந்தை ஜி.கே.ரெட்டி முதன்முறையாக விஷாலின் திருமணம் எப்போது என்பது பற்றி மௌனம் கலைத்துள்ளார். அதில் அவர், "விஷால் தன்னுடைய திருமணத்தை நடிகர் சங்கக் கட்டிடத்தில் வைத்து தான் நடத்துவேன் என உறுதியளித்துள்ளார்.

நடிகர் சங்கத் தேர்தல்

ஆனால், நடிகர் சங்கத் தேர்தல் முடிவடைந்தும் இன்னமும் அதில் பதிவான வாக்குகள் எண்ணப்படாமல் உள்ளன. நீதிமன்றம் உத்தரவிட்டால் தான் வாக்கு எண்ணிக்கை நடைபெறும். எப்போது வாக்குகள் எண்ணப்பட்டாலும் விஷால் அணி தான் நிச்சயம் வெற்றி பெறும் என்பதில் சந்தேகமேயில்லை.

பொறுமை தேவை

அப்படியாக மீண்டும் விஷால் அணி பதவியில் அமரும் போது, நடிகர் சங்க கட்டிட வேலைகள் முழுவதும் முடிக்கப்படும். அதன்பிறகு நடிகர் சங்க புதுக் கட்டிடத்தில் வைத்து விஷாலின் திருமணம் பார் போற்ற கோலாகலமாக நடைபெறும். அதுவரை கொஞ்சம் பொறுமை தேவை" என ஜி.கே.ரெட்டி கூறியிருக்கிறார்.