'விஷ்ணு விஷால் வெளிப்படையானவர்... அவரை எனக்கு ரொம்ப பிடிக்கும்': அமலா பால்!

ஆவலாக இருக்கிறேன்

இதில் கலந்துகொண்டு பேசிய நடிகை அமலா பால், "இந்த படத்தில் நடிக்கும் போதில் இருந்தே, படம் எப்போ ரிலீஸ் ஆகும் என ரொம்ப ஆவலாக காத்திருக்கிறோம். படத்தின் டிரெய்லர் செம சூப்பராக வந்துள்ளது.

கதை புரியவில்லை

இயக்குனர் ராம் இப்படத்தின் கதையை சரியாக சொல்லவில்லை. பின் விஷ்ணு தான் அவர் கொஞ்சம் கூச்ச சுபாவம் உடையவர் என சொல்லி, அவரே கதையை எனக்கு விளக்கினார். கதை மிகவும் பிடித்தது. ராம் ஒரு கடின உழைப்பாளி. நேரம் எடுத்து மிகவும் விரிவாக, தெளிவாக படத்தை எடுப்பார்.

விஷ்ணுவை எனக்கு பிடிக்கும்

சினிமாவில் எனக்கு அவ்வளவாக நண்பர்கள் கிடையாது. விஷ்ணு இந்த படத்துக்கு பிறகு எனக்கு நல்ல நண்பராகி விட்டார். நடிக்க வருபவர்களுக்கு விஷ்ணு ஒரு இன்ஸ்பிரேஷன். படத்துக்காக அவருடைய உழைப்பு அபரிமிதமானது. அவருடைய வெளிப்படையான பழக்க வழக்கம் எனக்கு மிகவும் பிடிக்கும்

நம்ம ஊரு திரில்லர்

ஒட்டுமொத்த படக்குழுவும் படம் சிறப்பாக வருவதற்கு தங்கள் பங்களிப்பை கொடுத்திருக்கிறது. திரில்லர் படம் என்றாலே ஹாலிவுட்டுடன் ஒப்பிடுவார்கள். ஆனால் இது நம்ம ஊரு திரில்லர் படம் என்று சொல்லும் அளவுக்கு நேட்டிவிட்டியுடன் இருக்கும். திரில்லர் படங்களில் இது ஒரு பெஞ்ச்மார்க்காக இருக்கும்", என அமலா பால் கூறினார்.