அவங்க வரலயா? மாலத்தீவில் ஜாலி பண்ணும் பிரபல தமிழ் நடிகர்.. காதலி குறித்து விசாரிக்கும் நெட்டிசன்ஸ்!

கைவசம் படங்கள்

கடைசியாக விஷ்ணு விஷால் நடிப்பில் சிலுக்குவார்ப்பட்டி சிங்கம் படம் ரிலீஸ் ஆனது. அதன்பிறகு அவரது நடிப்பில் எந்த படமும் வெளியாகவில்லை. இந்நிலையில் காடன், ஆரண்யா, ஜகஜால கில்லாடி, எஃப் ஐ ஆர், மோகன்தாஸ் ஆகிய படங்களில் நடித்து வருகிறார்.

ஜூவாலா கட்டாவுடன் காதல்

திருமணம் ஆகி ஒரு ஆண் குழந்தைக்கான அப்பாவான விஷ்ணு விஷால், தனது காதல் மனைவி ரஜினியை கடந்த 2018ஆம் ஆண்டு விவாகரத்து செய்தார். அதன் பிறகு பேட்மிண்டன் வீராங்கணையான ஜூவாலா கட்டாவுடன் ரிலேஷன் ஷிப்பில் இருந்து வருகிறார் விஷ்ணு விஷால்.

மாலத்தீவில் ஜாலி

கடந்த சில மாதங்களுக்கு முன்பு ஜூவாலா கட்டாவின் பிறந்தநாளில் நள்ளிரவில் மோதிரம் மாற்றிக் கொண்டு இருவரும் தங்களின் திருமண நிச்சயதார்த்தத்தை முடித்துக் கொண்டனர். இந்நிலையில் நடிகர் விஷ்ணு விஷால் மாலத்தீவில் ஓய்வை கழித்து வரும் போட்டோக்களை ஷேர் செய்துள்ளார்.

விதவிதமான போட்டோக்கள்

வழக்கமாக நடிகைகள் மாலத்தீவுக்கு செல்வதும், பீச் ஹவுஸிலும் கடற்கரையிலும் பிகினியில் சன்பாத் எடுப்பதும், அந்த போட்டோக்கைள தங்களின் சமூக வலைதள பக்கத்தில் ஷேர் செய்வதும் வாடிக்கை. இந்நிலையில் நடிகர் விஷ்ணு விஷாலும் மாலத்தீவில் இருந்து விதவிதமான போட்டோக்களை தனது இன்ஸ்டா பக்கத்தில் ஷேர் செய்துள்ளார்.

உங்கள் காதலி எங்கே?

இதில் மேலே சட்டை இல்லாமல் விஷ்ணு விஷால் ஷேர் செய்துள்ள போட்டோவை பார்த்த நெட்டிசன்கள், எங்கே உங்களின் சிக்ஸ் பேக்கை காணவில்லை என்று கேட்டு கலாய்த்துள்ளனர். இன்னும் சிலர் நீங்கள் மட்டும் தனியாவா போயிருக்கீங்க? உங்கள் காதலியான ஜூவாலா கட்டா வரவில்லையா என்றும் கேட்டு வருகின்றனர்.