நவம்பர் 7-ம் தேதி விஸ்வரூபம் இசை வெளியீடு!!

கமல் ஹாஸனின் இயக்கம், நடிப்பில் உருவாகியுள்ள விஸ்வரூபம் படத்தின் இசை வெளியீடு வரும் நவம்பர் 7-ம் தேதி வெளியாகிறது.

இதுகுறித்த அதிகாரப்பூர்வ அறிவிப்பு இன்று வெளியாகியுள்ளது.

கமல்ஹாஸன்-ஆன்ட்ரியா-பூஜாகுமார் நடிக்க, சங்கர் எஷான்லாய் இசையமைத்துள்ள படம் விஸ்வரூபம்.

இந்தப் படத்தை பல வாரங்களுக்கு முன்பே கமல்ஹாஸன் முடித்துவிட்டாலும், அதுபற்றி வெளியில் எதுவும் பேசாமல் மவுனம் காத்தார். குறிப்பாக எப்போது ரிலீஸ்... தீபாவளிக்கா, பொங்கலுக்கா என்பதில் குழப்பம் நிலவியது.

இந்த நிலையில் தீபாவளிக்கு சில தினங்களுக்கு முன்புதான் படத்தின் பாடல்களை வெளியிடவிருக்கிறார். நவம்பர் 13-ம் தேதி தீபாவளி. ஆனால் 7-ம் தேதி பாடல் வெளியீட்டு விழாவை வைத்துள்ளார் கமல்.

எனவே டிசம்பரில் படம் வெளியாவது கிட்டத்தட்ட உறுதியாகியுள்ளது.