#வேட்டிகட்டு... தூக்குதுரைன்னா அடாவடி... தூக்குதுரைன்னா அலப்பற... செம மாஸ் தல!

சென்னை : விஸ்வாசம் படத்தின் இரண்டாவது பாடலான வேட்டிகட்டு செம மாஸாக வந்துள்ளது என ரசிகர்கள் தெரிவித்துள்ளனர்.

சிறுத்தை சிவா இயக்கத்தில் அஜித் நடித்துள்ள நான்காவது படம் விஸ்வாசம். வரும் பொங்கலுக்கு ரிலீசாக உள்ள இப்படத்தில் அஜித்துக்கு ஜோடியாக நயன்தாரா நடித்துள்ளார்.இப்படத்தின் ஒவ்வொரு அப்டேட்டையுமே அஜித் ரசிகர்கள் திருவிழாவாகக் கொண்டாடி வருகின்றனர்.

ஏற்கனவே இப்படத்தின் சிங்கிள் ட்ராக் அடிச்சு தூக்கு, ரசிகர்களிடம் நல்ல வரவேற்பை பெற்றது. டிரெண்டிங்கானது இப்பாடல். இந்நிலையில் இப்படத்தின் இரண்டாவது சிங்கிள் ட்ராக் பாடலான வேட்டிகட்டு வெளியாகியுள்ளது.

இந்த பாடலையும் அஜித் ரசிகர்கள் டிரெண்டிங் ஆக்கி வருகின்றனர். பாடல் குறித்து பலரும் தங்கள் கருத்தை சமூக வலைதளங்களில் பதிவிட்டு வருகின்றனர்.