புல்லட்டில் ஏறி பொங்கலுக்கு வரும் ‘விஸ்வாசம்’.. ‘தல’யும் ஹேப்பி.. ரசிகர்களும் ஹேப்பி!

திருவிழா:

விஸ்வாசம் படம் குறித்த அப்டேட்களை அஜித் ரசிகர்கள் மிகவும் ஆர்வமாக எதிர்பார்த்துக் காத்திருக்கின்றனர். எனவே, . #Viswasam #ViswasamThiruvizha என்ற ஹேஷ்டேக்குகள் போட்டு, படத்தின் ஒவ்வொரு அப்டேட்டையும் அவர்கள் திருவிழாவாகக் கொண்டாடி வருகின்றனர்.

மகிழ்ச்சி:

இந்நிலையில், இப்படத்தின் செகண்ட் லுக் போஸ்டரை சத்யஜோதி பிலிம்ஸ் இன்று வெளியிட்டுள்ளது. இதில், அஜித் தனக்கென்று தயாரிக்கப்பட்ட பிரத்தேகமான பைக்கில் ஹேப்பியாக வரும்படியாக உள்ளது. பின்னால் திருவிழா போன்று கூட்டமாக மக்கள் மகிழ்ச்சியாக ஆடிப்பாடுவது போன்று இருக்கிறது.

பொங்கல் ரிலீஸ்:

வரும் பொங்கலுக்கு ரஜினியின் பேட்ட படம் ரிலீசாவதால், விஸ்வாசம் ரிலீஸ் தள்ளிப் போகலாம் என்ற பேச்சு இருந்தது. ஆனால், அது உண்மையில்லை, படம் பொங்கலுக்கு கன்பார்ம் ரிலீஸ் என இந்த போஸ்டர் மூலம் படக்குழு உறுதியாக தெரிவித்துள்ளது.

இரட்டை வேடம்:

பில்லா படத்திற்கு பிறகு அஜித் இரட்டை வேடத்தில் நடிக்கும் படம் விஸ்வாசம். அஜித் அப்பா - மகன் என இரட்டை வேடத்தில் நடிக்கிறார். இரண்டு அஜித்களுக்கு ஜோடியாக ஈஸ்வரிராவ் மற்றும் நயன்தாரா நடிக்கின்றனர். அவர்களுடன் விவேக், கோவை சரளா, தம்பி ராமையா, ரோபோ சங்கர், யோகி பாபு உள்ளிட்டோர் முக்கிய கதாபாத்திரத்தில் நடித்துள்ளனர் என்பது குறிப்பிடத்தக்கது.