வியாழக்கிழமையானால் இந்த தல ரசிகர்களை பார்க்கவே பாவமா இருக்கு!

By Siva

| Published: Thursday, December 6, 2018, 16:57 [IST]

சென்னை: வியாழக்கிழமை வந்தால் தல ரசிகர்களின் நிலைமை பரிதாபமாகிவிடுகிறது.

சிவா இயக்கத்தில் அஜித் நடித்துள்ள விஸ்வாசம் படம் பொங்கலுக்கு ரிலீஸாவது உறுதியாகியுள்ளது. ஆனால் படம் குறித்த அப்டேட் தருவேனா என்று தயாரிப்பு நிறுவனமான சத்யஜோதி பிலிம்ஸ் மற்றும் சிவா அடம் பிடிக்கிறார்கள்.

இந்நிலையில் வழக்கம் போன்று இந்த வியாழனும் டீஸர் வரும் என்று எதிர்பார்க்கிறார்கள் அஜித் ரசிகர்கள்.

வியாழக்கிழமை

வியாழக்கிழமையானால் போதும் விஸ்வாசம் டீஸர் வருகிறது, அனைவரும் தயாராகுங்கள், கொண்டாடலாம் என்று அஜித் ரசிகர்கள் உற்சாகமாகிவிடுகிறார்கள். நீ விடிய விடிய கதறினாலும் டீஸரை விட மாட்டேனே என்று தயாரிப்பு தரப்பு அடம்பிடிக்கிறது. இப்படியே ஒவ்வொரு வியாழனும் செல்கிறது.

டீஸர்

இன்று கண்டிப்பாக டீஸர் வெளியாகும் என்று அஜித் ரசிகர்கள் #ViswasamTeaser என்ற ஹேஷ்டேக்குடன் ட்வீட்டி வருகிறார்கள். ஆனால் சம்பந்தப்பட்டவர்கள் இது குறித்து எதுவுமே தெரிவிக்கவில்லை.