சித்ராவின் செலுலாய்டு கனவுகள் விரைவில் திரையில் ...ஒரு மில்லியன் பார்வையாளர்களை கடந்தது!

இரண்டே தினங்களில்

அப்படத்தின் "காலங்கள் கரைகிறதே" எனும் பாடல் ஒன்றும் வெளியாகி உள்ளது. அதுவும் வெளிவந்த இரண்டே தினங்களில் தற்போது 1 மில்லியன் பார்வையாளர்களை கடந்து ட்ரெண்டிங் #4 ல் உள்ளது. மக்கள் இப்படத்தின் ஃபர்ஸ்ட் லுக் தொடங்கி தற்போது வெளியிட்ட பாடல் வரை மகத்தான ஆதரவு தெரிவித்து வருகின்றனர்.

மறைந்த நடிகை

இப்படம் வரும் 26 ஆம் தேதியன்று திரைக்கு வர தயாராகவுள்ளது. இப்படக்குழு மக்களிடம் திரையரங்குகளில் சென்று பார்க்க வேண்டும் என்றும் மறைந்த நடிகை சித்ராவிற்காக இப்படத்தை பார்க்க வேண்டும் என்று வேண்டுகோள் விடுத்துள்ளனர்.

உழைத்த நடிகர்கள்

மேலும் இப்படத்தின் இயக்குனர் திரு. சபரிஷ் அவர்கள் பேசுகையில் வி. ஜே சித்ராவின் மரணத்திற்கு பிறகும் மக்கள் அவர் மீதும் அவர் படத்தின் மீதும் அளவற்ற அன்பினை பொழிந்துள்ளனர். அனைவரும் படத்தை திரையரங்குகளில் சென்று பார்க்க வேண்டும் மற்றும் இப்படத்திற்காக உழைத்த நடிகர்கள், தொழில் நுட்ப உதவியாளர்கள், தயாரிப்பாளர்கள் அனைவருக்கும் மனமார்ந்த நன்றி என அவர் குறிப்பிட்டுள்ளார்.

கை தட்டல்கள்

சித்ராவின் ரசிகர்கள் இணையதளத்தில் இந்த படத்தை பற்றி தொடர்ந்து எழுதி வருகின்றனர். சோஷியல் மீடியா முழுவதும் இந்த படத்திற்கு மிகவும் எதிர்பார்ப்பு கூடி உள்ளது. சித்ராவின் ஆத்மா கை தட்டல்கள் மூலமாவது சாந்தி அடைய வேண்டும் என்று பலரும் கருத்து தெரிவித்து வருகின்றனர். கால்ஸ் படம் பற்றி உன்னதமான உணர்வுகளுடன் பல குட்டி கதைகள் பகிர்ந்த வண்ணம் பல எதிர்பார்ப்புகள் கிளம்பி உள்ளது. பொறுத்து இருந்து பார்ப்போம் சித்ராவின் சினிமா, சித்ராவின் செலுலாய்டு கனவுகள் விரைவில் திரையில் .