'பாகுபலி 2' படத்தை எப்பவுமே இலவசமா பார்க்கணுமா... இங்க வாங்க..!

பாகுபலி 2

தெலுங்கில் பிரமாண்டமாக வெளியான 'பாகுபலி 2' யூ-ட்யூபில் இலவசமாகப் பார்க்குமாறு பதிவேற்றம் செய்யப்பட்டுள்ளது. அதே சமயம், தமிழ், ஹிந்தி, மலையாளம் ஆகியவற்றை 'நெட்பிளிக்ஸ்' இணையதளத்தில் கட்டணம் செலுத்தினால் மட்டுமே பார்க்க முடியும்.

இலவசமாக பார்க்கலாம்

தெலுங்குத் திரையுலகத்திற்குப் பெருமை சேர்த்த படம் 'பாகுபலி 2' என்பதால் அதை தெலுங்கு ரசிகர்களுக்காக யூ-ட்யூபில் இலவசமாகப் பார்க்கும் வசதியை தயாரிப்பாளர்கள் ஏற்படுத்திக் கொடுத்துள்ளார்கள் என்று கூறப்படுகிறது. இந்தப் படத்தை யூ-ட்யூபில் செம தரத்தில் பார்த்து ரசிக்கலாம்.

டிஜிட்டல் உரிமை

தெலுங்குப் படம் இலவசமாக வெளியாகியிருப்பதால் அல்லாத மற்ற மூன்று மொழிப் படங்களின் டிஜிட்டல் உரிமை 25 கோடிக்கு விற்கப்பட்டது என்றால் அது மிகப்பெரிய விலை என டோலிவுட் வட்டாரங்கள் தெரிவிக்கின்றன.

சாட்டிலைட் உரிமை

சமீபகாலமாக சாட்டிலைட் உரிமைகளை விட டிஜிட்டல் உரிமைகள் நல்ல விலைக்கு விற்கப்படுவதாகத் தயாரிப்பாளர்கள் தெரிவிக்கிறார்கள். அதனால் தான், தமிழ்த் திரைப்படத் தயாரிப்பாளர்கள் சங்கமும் டிஜிட்டல் உரிமைகளை விற்க ஆலோசனை வழங்கி வருகிறார்கள் என்பது குறிப்பிடத்தக்கது.